Það var ekki þverfótað fyrir fínu fólki á Betri stofunni í Hafnarfirði þegar nýr Prada-ilmur var kynntur. Ilmurinn Paradoxe frá Prada er frísklegur og lokkandi og er glasið sjálft hannað í takt við lógó ítalska tískuhússins. 

Lína Birgitta Sigurðardóttir og Guðmundur Birkir Pálmason, eða Gummi kíró eins og hann er kallaður, létu sig ekki vanta enda miklir aðdáendur góðrar merkjavöru. 

Boðið var upp á fallegar veitingar og svo kom söngkonan Hildur og söng fyrir gesti.