Það var notaleg stemning í Sky Lagoon á miðvikudagskvöldið þegar bræðurnir Friðrik Dór og Jón Jónssynir héldu tónleika í baðlóninu. Gestir nutu þess að baða sig á meðan tónlistarmennirnir spiluðu skemmtileg lög. 

Allur ágóði tónleikanna rann til vistheimilisins Mánabergs en það var góðgerðarfélagið 1881 sem stóð fyrir viðburðinum í samvinnu við Sky Lagoon og Tix.is. Í ár set­ur góðgerðarfélagið 1881 fókus­inn á vistheim­ilið Mána­berg og önn­ur vistheim­ili sem heyra und­ir Barna­vernd Reykja­vík­ur. Vistheimilin eru rekin fyrir börn sem búa við slæmar aðstæður. 

Eins og sjá má á myndunum var fullt af fólki í góðu skapi á tónleikunum. Það má gera ráð fyrir að góð summa hafi safnast. Markmið söfnunarinnar í ár er að end­ur­nýja og kaupa búnað til þess að gera vistheim­ilið Mána­berg hlý­legra og ör­ugg­ara.