Rífandi stemning var í hinum nýja Sykursal í Grósku á föstudagskvöld þegar Dóri DNA tók míkrófóninn af hillunni og hélt sitt fyrsta uppistand eftir þriggja ára pásu.
Um er að ræða nýtt efni frá kappanum sem hann hyggst nota í sýningu sem er væntanleg eftir áramót í sama sal, sem Björn Bragi Arnarsson, vinur Dóra úr uppistandshópnum Mið-Ísland, rekur.
„Er nokkuð einhver með hníf hérna inni?“ ávarpaði Dóri DNA salinn þegar hann steig á svið og setti hann þar tóninn fyrir restina af kvöldinu – vægðarlaust grín tók við líkt og honum er lagið.
„Þetta var ótrúlega gaman. Það var alveg troðfullur salur, allir í góðu skapi og mér heyrðist fólk bara vera ánægt með þetta,“ segir Dóri í samtali við mbl.is.
Dóra til halds og trausts var rapparinn Jóhann Kristófer Stefánsson, eða Joey Christ eins og hann er alla jafna kallaður, en um er að ræða hans frumraun í uppistandsheiminum. Vakti hann mikla lukku.
Myndir frá stemningunni í Sykursalnum:
„Er nokkuð einhver með hníf hérna inni?“ ávarpaði Dóri DNA salinn þegar hann steig á svið.
Ljósmynd/Ari Páll
Dóri DNA og Jóhann Kristófer Stefánsson að loknu uppistandinu.
Ljósmynd/Ari Páll
Ari Eldjárn, Jóhann Kristófer Stefánsson, Björn Bragi Arnarsson, Níels Thibaud Girerd og Hörður Björgvin Magnússon.
Ljósmynd/Ari Páll
Margir voru mættir að horfa á Dóra DNA flytja nýtt efni sem er væntanlegt frá kappanum eftir áramót.
Ljósmynd/Ari Páll
Hinn nýi Sykursalur var smekkfullur.
Ljósmynd/Ari Páll
Demario Elijah ásamt fríðu föruneyti.
Ljósmynd/Ari Páll
Dóri og Jóhann ásamt Birni Braga áður en stigið var á svið. Björn Bragi rekur Sykursalinn.
Ljósmynd/Ari Páll
Jóhann Kristófer vakti mikla lukku meðal áhorfenda.
Ljósmynd/Ari Páll
Strákahópurinn við sviðið var oft á tíðum skotmark Dóra í flugbeittu gríni.
Ljósmynd/Ari Páll
Dóra tókst þó að sættast við strákana að lokum, eftir að í ljós kom að um sveitunga Dóra úr Mosfellsbæ var að ræða.
Ljósmynd/Ari Páll