Óskar Magnússon rithöfundur, bóndi og lögfræðingur fagnaði útkomu bókar sinnar Leyniviðauki 4 á Café Catalínu á dögunum. Staðurinn er staðsettur í Hamraborg í Kópavogi og er vinsæll hjá fólki sem vill hækka hitann á fjörofni lífsins um nokkrar gráður.

Það var viðeigandi að halda boðið á Café Catalínu því staðurinn kemur við sögu í bókinni og reyndar líka í fyrri bókum Óskars um lögmanninn kvensama, Stefán Bjarnason. Í þessari bók skrifar Óskar lystilega um hrottalegan glæp sem framinn er á Keflavíkurvelli og setur allt í uppnám, bæði á heimilum fólks og í lögreglunni. 

Rúnar Þór og félagar spiluðu fyrir gesti í útgáfuboðinu og auðvitað las Óskar upp úr Leyniviðauka 4. 

Eins og sjá má á myndunum sást ekki fýlusvipur á nokkrum lifandi manni.