Þekktir Íslendingar létu sig ekki vanta í Þjóðleikhúsið á annan í jólum. Að þessu sinni heimsfrumsýndi Þjóðleikhúsið leikverkið Ellen B. eftir Marius von Mayenburg í leikstjórn Benedicts Andrews. 

Sjónvarpsstjarnan Ragnhildur Steinunn Jónsdóttir og eiginmaður hennar Haukur Ingi Guðnason sálfræðingur mættu í leikhúsið. Það gerði einnig leikarinn Hilmir Snær Guðnason og kollegi hans Elva Ósk Ólafsdóttir sem var mætt ásamt eiginmanni sínum Valdimar Óskari Jónassyni. 

Leikstjórinn Benedict Andrews var mættur í Þjóðleikhúsið ásamt sambýliskonu sinni Margréti Bjarnadóttur. Ellen B er fyrsta verkið í nýjum þríleik von Mayenburg. Benedict mun leikstýra næsta verki líka en von Mayenburg sjálfur mun leikstýra þriðja verkinu haustið 2023.