Allt frægasta fólk landsins var saman komið í Smárabíó á miðvikudaginn þegar kvikmyndin Villibráð var frumsýnd. Á frumsýningunni mátti sjá allt frá listafólki yfir í áhrifavalda, stjórnmálafólk og fólk í viðskiptalífinu. 

Leikstjórinn Elsa María Jakobsdóttir skrifar handritið að Villibráð ásamt Tyrfingi Tyrfingssyni. Mikið var hlegið í Smáralindinni enda myndin einstaklega fyndin. 

Villibráð fjallar um sjö vini til margra ára sem í mat­ar­boði hjá hjón­um í hópn­um fara í stór­hættu­leg­an sam­kvæm­is­leik. Þau leggja farsím­ana sína á borðið og fall­ast á að öll skila­boð sem ber­ast verði les­in upp­hátt fyr­ir all­an hóp­inn, mynd­ir sýnd­ar öll­um og sím­töl spiluð upp­hátt. Með hlut­verk vin­anna fara Aníta Briem, Björn Hlyn­ur Har­alds­son, Gísli Örn Garðars­son, Hilm­ar Guðjóns­son, Hilm­ir Snær Guðna­son, Nína Dögg Fil­ipp­us­dótt­ir og Þuríður Blær Jó­hanns­dótt­ir.