Það var einstök stemning á Hafnartorgi þegar Ungfrú Reykjavík bauð í teiti. Vel var mætt í boðið og einstök stemning. Um er að ræða hárgreiðslu- og snyrtistofu sem er í eigu Ingibjargar Sveinsdóttur. Hún er hárgreiðslumeistari og hefur rekið hárgreiðslustofuna Hár í höndum um árabil. Á Ungfrú Reykjavík er rekin þrennskonar þjónusta. Þar er hárgreiðslustofan Hár í höndum, Húðbar þar sem hægt er að fá hefðbundnar snyrtimeðferðir með franska snyrtivörumerkinu Guinot, vaxmeðferðir, litun og plokkun svo eitthvað sé nefnt.
Þar er líka Hárbar sem býður upp á blástur, hármeðferðir og sjálfsafgreiðslu. Sjálfsafgreiðslan gengur út á að fá aðgang að hárvörum og tækjum og græja hárið á sér sjálfur.
Stefanía Sigfúsdóttir arkitekt hannaði Ungfrú Reykjavík og má þess geta að þar er ferskleikinn allsráðandi.