Frumkvöðlakeppnin Gulleggið fór af stað um liðna helgi í Masterclass Gulleggsins þar sem þátttakendur fylltu hátíðarsal Grósku. Áslaug Arna Sigurbjörnsdóttir háskóla-, iðnaðar- og nýsköpunarráðherra fór með hvetjandi erindi í lok masterklassans við mikla hrifningu viðstaddra. Metþátttaka var; 374 keppendur, sem munu keppa um að komast í topp 10. Þeir aðilar sem ná því eiga möguleika á að vinna Gulleggið 2023.

Gerður Huld Arinbjarnardóttir, stofnandi hjálpartækjaverslunarinnar Blush, var einn af fyrirlesurunum ásamt Ölmu Dóru Ríkarðsdóttur, einni af stofnendum HEIMA. Sunna Halla Einarsdóttir fjármálastjóri KLAK og Taktikal, Guðjón Már Guðjónsson eða Guðjón í Oz, Oddur Ólafsson einn stofnanda HorseDay, Kristján Schram hjá Instrúment og Atli Björgvinsson markaðsstjóri voru einnig með fyrirlestra. 

Eins og sjá má á myndunum ríkti mikil gleði á frumkvöðlakeppninni.