Leikarinn Starkaður Pétursson var í góðum gír þegar ný auglýsing fyrir Thule var frumsýnd í Bíó Paradís á föstudaginn. Nóg var að drekka fyrir alla og mikil stemning. 

Starkaður sýnir danshæfileika sína í auglýsingunni en það er enginn önnur en Birna Björns sem samdi handa honum tveggja mínútna dans. Í auglýsingunni er hann í miklum gír við 90's-smellinn Strawberries með Bubbleflies. Fjöldi fólks mætti til að skála og var stemningin mjög góð eins og meðfylgjandi myndir sýna. Auglýsingin er hugarfóstur Jóns Gunnars Geirdal og sá fyrirtæki hans Ysland um framleiðslu og leikstjórn.