Harpa kann að halda partí

Harpa Magnúsdóttir stofnandi Hoobla hélt sérlegt þakkargjörðarteiti í Höfuðstöðinni á dögunum þar sem hún fagnaði lífinu og tilverunni. Gestir voru beðnir um að mæta í hvítum klæðnaði til að ýta undir samstöðu og gleði. 

Vel var mætt í teitið en 120 drottningar lögðu leið sína í teiti Hörpu þar sem þær skemmtu sér saman. Anna Claessen var veislustjóri en svo kom Sigga Kling og gaf gleðiráð. Í lok kvöldsins mætti sjálf Sigríður Beinteinsdóttir, Sigga Beinteins, og söng fyrir gesti. 

Eins og sjá má á myndunum kann Harpa Magnúsdóttir að halda partí en Silla Páls ljósmyndari fangaði gleðina með myndavél sinni.