Söngkonan og píanóleikarinn, Guðrún Árný Karlsdóttir, var að gefa út jólaplötuna Notaleg jólastund. Platan kom út á stafrænu formi í nóvember en þegar vínilplatan kom út þá sló hún upp teiti á Betri stofunni í Hafnarfirði. Guðrún Árný tók að sjálfsögðu lagið fyrir gestina eins og henni einni er lagið. 

Hjörtur Magni Jóhannsson prestur í Fríkirkjunni og Ebba Margrét Magnúsdóttir fæðingar-og kvensjúkdómalæknir voru á meðal gesta, sólbrún og sælleg. Þar var líka biskup Íslands, Guðrún Karls Helgudóttir og söngkonan Erna Hrönn, Silli Geirdal í Dimmu og Ólöf Erla eiginkona hans sem er grafískur hönnuður.

Guðný Árný ætlar að fylgja plötunni eftir með tónleikum víða um land.