Hljómsveitin Nýdönsk var með forhlustunarteiti í gær á nýjustu plötu sinni Í raunheimum. Teitið fór fram á Kjarvalsstofu en sama dag kom platan út á vínyl. Í raunheimum kemur út á streymisveitum á föstudaginn kemur. Mikið var lagt upp úr hljómgæðum í teitinu og var platan spiluð í sértökum græjum frá Hljómsýn. 

Nína Dögg Filippusdóttir, stjarnan úr Vigdísarþáttunum, lét sig ekki vanta og heldur ekki eiginmaður hennar, Gísli Örn Garðarsson. Arnar Eggert tónlistargúrú Morgunblaðsins var líka á svæðin og líka Margrét Jónasdóttir aðstoðardagskrárstjóri Rúv. 

Í raunheimum er ellefta hljóðversplata sveitarinnar og var hún tekin upp við bestu aðstæður í Real World Studios á Suður Englandi. Hljóðverið, sem er í eigum tónlistarmannsins Peter Gabriel var valið best hljóðver heims af fagfólki á síðasta ári.

Nýdönsk heldur þrenna útgáfutónleika í Norðurljósasal Hörpu 31. janúar og 1. febrúar.