Ragnar Þórisson og Guðlaugur Þór frísklegir í húðvöruteiti

Ragnar Þórisson fjárfestir og Guðlaugur Þór Þórðarson, alþingismaður og eiginmaður Ágústu Johnson hluthafa í Bláa lóninu, létu sig ekki vanta þegar teiti var slegið upp í verslun Blue Lagoon Skincare á Laugavegi. Mottumars, árlegri vitundar- og fjáröflunarherferð Krabbameinsfélagsins, var fagnað á staðnum og var boðið upp á skeggsnyrtingu. Slegist var um að komast í stólinn til að láta laga skeggið! Sumir slógu til og rökuðu á sig mottu í tilefni af Mottumars.

Margt var um manninn en boðið var upp á léttar veitingar á meðan DJ Danni Deluxe hélt uppi stemningunni.

„Við höfum síðustu ár stutt við Krabbameinsfélagið í gegnum Bleiku slaufuna og Mottumars. Við erum stolt af samstarfinu en í mars rennur 30% af söluverði Mineral Mask 30ml til Vísindasjóðs Krabbameinsfélagsins. Mineral Mask er öflugur rakamaski sem hefur notið mikilla vinsælda og var valinn besti rakamaskinn árið 2024 í árlegum verðlaunum Allure Magazine,“ segir Hólmfríður Einarsdóttir, framkvæmdastjóri Blue Lagoon Skincare. Bláa Lónið hefur veitt verkefnum Krabbameinsfélagsins stuðning allt frá árinu 2015 og hefur frá árinu 2020 stutt Vísindasjóð félagsins sérstaklega.