Helstu partýdýr Reykjavíkur fögnuðu útgáfu Reykjavík Roses, nýjustu bragðtegundar orkudrykkjarins Orku, á Bankastræti 14 á dögunum. Plötusnúðurinn Bjarki Vattnes var viðstaddur og kom gestum í rífandi stuð. Rapparinn Birgir Hákon, fatahönnuðurinn Arnar Leó og Stormur Jón Kormákur Baltasarsson létu sig ekki vanta í gleðina.

Veislan var haldin á barnum Session sem lokaði nýverið. Framkvæmdir í rýminu eru fram undan en Reykjavík Roses-teymið fékk að leika lausum hala og graffa staðinn fyrir partýið. Þar var Guðjón Guðmundsson fremstur í flokki.