Í Elliðárstöð Orkuveitunnar var líf og fjör er viðburðurinn Prosecco & pitch fór fram 9. apríl. Þátttakendur í Hringiðu+ kynntu hugmyndir sínar fyrir gestum á aðeins 90 sekúndum.

Stemningin var sérlega góð í glæsilegu viðburðarrými Orkuveitunnar og dagskrárstjóri var skemmtikrafturinn Steiney Skúladóttir. DJ Dóra Júlía þeytti skífum á meðan gestir gæddu sér á léttum veitingum, eftir að kynningum lauk.

Líkt og fram kemur í tilkynningu frá Klak er Hringiða viðskiptahraðall sem styður við nýsköpunarfyrirtæki sem vinna að grænum lausnum. Hlutverk Hringiðu+ er að styðja við þróun öflugra fyrirtækja sem skapa verðmæt störf og skila árangri í umhverfis- og loftslagsmálum.

Þátttakendur að þessu sinni voru Haf-Afl, HuddleHop, Loki Foods, Optitog ehf., Svepparíkið, Þarahrat og Timber Recycling.