Félag ungra athafnakvenna heimsótti höfuðstöðvar Arion banka nýverið í tengslum við viðburðinn Gellur elska gervigreind. Markmið viðburðarins var að fræða félagskonur um notkun gervigreindar bæði í daglegu lífi og við fjárfestingar. 

Einnig var félagskonum veitt innsýn inn í hvernig gervigreind getur nýst sem hagnýtt tæki í atvinnulífinu. Viðburðurinn vakti mikla ánægju eins og dæma má af myndunum og undirstrikar mikilvægi þess að konur hafi aðgang að fræðslu um nýjustu tæknilausnir og þau tækifæri sem þær bjóða upp á.

Það voru þó engar gervigellur sem mættu á viðburðinn - heldur alvöru gellur!