Landsfundur Samfylkingarinnar var haldinn um helgina og var öllu tjaldað til af því tilefni. Sérstök landsfundargleði var haldin í Fossaleyni í Grafarvogi, þar sem fundurinn fór fram. Eins og sjá má á myndunum var stuð á mannskapnum. 

Alma Möller heilbrigðisráðherra var flott í tauinu í kjól frá Sif Benedicta, sem er íslenskt tískumerki í eigu Halldóru Sif Guðlaugsdóttir. Kristrún Frostadóttir, forsætisráðherra og formaður Samfylkingarinnar, skartaði sigurblússunni. Það var vel til fundið enda sigurblússan bæði klæðileg og partíleg.