Það var vel mætt á Ársfund atvinnulífsins sem haldinn var í Silfurbergi í Hörpu. Fundurinn var helgaður útflutningsgreinunum og mikilvægi þeirra fyrir samfélagið.

Þétt dagskrá var í boði en Jón Ólafur Halldórsson, formaður Samtaka atvinnulífsins, ávarpaði gesti, Sigríður Margrét Oddsdóttir framkvæmdastjóri hélt erindi um mikilvægi útflutningsgreina og alþjóðaviðskipta fyrir Ísland. Kristrún Frostadóttir forsætisráðherra var ekki á Íslandi og kom fram á stóru tjaldi í salnum.

Daði Már Kristófersson, fjármála- og efnahagsráðherra, Jón Sigurðsson, forstjóri Stoða, og Róbert Wessman, forstjóri Alvotech voru í pallborði og ræddu tengd málefni. 

Eftir fundinn var boðið upp á drykk í Hörpu. Ljósmyndarinn Birgir Ísleifur Gunnarsson fangaði stemninguna.