Öryggismiðstöðin fagnaði 30 ára afmæli sínu með dúndrandi haustfagnaði. Gleðin fór fram í Borgarleikhúsinu á föstudaginn og var mæting sérlega góð. Viðskiptavinir, samstarfsaðilar og starfsmenn fögnuðu saman af öllu hjarta en þetta er í fimmtánda skipti sem fyrirtækið heldur haustfagnað.  

Tónlistarstjóri kvöldsins var Halldór Gunnar Pálsson og fór hann fyrir metnaðarfullri dagskrá tónlistarmanna. Á stóra sviði Borgarleikhússins komu fram fjölmargir af vinsælustu tónlistarmönnum landsins. Þar á meðal Auddi og Steindi, Sverrir Bergmann, Jóhanna Guðrún, Úlfur Úlfur, Bubbi Morthens og Blaz Roca.

„Það er alltaf einskær gleði að hitta gesti okkar á Haustfagnaði Öryggismiðstöðvarinnar, við leggjum mikla áherslu á að þakka samstarfsfólki og viðskiptavinum fyrir traust og samvinnu í gegnum tíðina. Haustfagnaðurinn er okkar leið til þess að sýna það í verki en kvöldið tókst einstaklega vel og skapaði eftirminnilega stemmingu,“ segir Auður Lilja Davíðsdóttir, framkvæmdastjóri hjá Öryggismiðstöðinni.