Blue Lagoon Skincare fagnaði 30 ára afmæli sínu á miðvikudagskvöldið með því að bjóða í einkasamkvæmi í einbýlishúsi í Garðabæ. Afmælisveislan fór fram í Hafsteinshúsi sem er eftir Högnu Sigurðardóttur arkitekt.

Eigandi hússins er Ragnheiður Jónsdóttir myndlistarmaður, sem er 92 ára. Hún var að sjálfsögðu heima þegar gesti bar að garði og talaði við gesti og sagði frá sögu hússins. Boðið var upp á veitingar frá listakokkum Bláa Lónsins og Elín Hall leikkonan og tónlistarmaðurinn spilaði tvö lög fyrir gesti en hún er nýtt andlitBlueLagoonSkincare.

Húsið varlið eitt af 100 merkilegustu byggingum 20 aldarinnar

Heimili Ragnheiðar var valið eitt af 100 merkustu byggingum 20. aldar í Norður- og Mið-Evrópu af World Architecture og árið 2019 útnefnt af BBC sem eitt af tíu draumahúsum síðustu aldar. Það var því afar viðeigandi að fagna íslensku hugviti í þessu merka húsi.

„Þrjátíu ár eru liðin frá því að fyrsta vara Blue Lagoon Skincare, Silica Mud Mask, leit dagsins ljós. Þá óraði okkur ekki að þessi hvíti maski myndi marka upphaf að alþjóðlegu vörumerki sem Íslendingar geta verið stoltir af,“ segir Hólmfríður Einarsdóttir, framkvæmdastjóri Blue Lagoon Skincare.

Fögnuðu líka góðu gengi

Blue Lagoon Skincare var ekki eingöngu að fagna 30 ára afmæli, heldur einnig mikilli velgengni en á síðustu árum hafa vörurnar unnið til fjölda viðurkenninga og verðlauna frá virtum tímaritum á borð við Vogue, Elle, Allure og InStyle.

Silica Mud Mask, sem fagnar 30 ára afmæli sínu í ár, var tilnefndur af Vogue sem einn besti húðmaskinn. Algae Mask, græni þörungamaskinn, hlaut InStyle verðlaun sem besti andlitsmaskinn til að auka þéttleika húðarinnar. Mineral Mask, blái rakamaskinn, var valinn besti rakamaskinn 2024 af tímaritinu Allure.

BL+ Eye Serum og BL+ The Serum hafa bæði hlotið viðurkenningar frá Allure og Elle, og BL+ The Cream Light, nýjasta viðbótin í línunni, vann Elle verðlaun sem besti rakagjafinn.

Í yfir þrjá áratugi hefur virkni Bláa Lónsins verið rannsökuð með afar áhugaverðum niðurstöðum. Vatnið hefur meðal annars verið valið eitt af undrum veraldar, og bæði kísillinn og örþörungurinn úr Bláa Lóninu eru varin með einkaleyfum vegna einstæðrar virkni þeirra. Örþörungurinn sem ræktaður er á rannsóknar- og þróunarsetri Bláa Lónsins er einstakur á heimsvísu og gegnir lykilhlutverki í virkni húðvaranna frá Blue Lagoon Skincare.

Eins og sjá á ljósmyndunum verður þessi viðburður lengi í minnum hafður. Það er upplifun að koma í heimahús og líka í heimahús sem rúmar jafnmarga og raun bar vitni. Það var ógurlega gaman!