Það var ekki þverfótað fyrir frægum á frumsýningu Þjóðleikhússins á dögunum þegar verk eftir Ólaf Jóhann Ólafsson var frumsýnt. Íbúð 10B fjallar um eiganda glæsilegs fjölbýlishúss í Reykjavík sem hefur ákveðið að breyta lúxusíbúð í sinni eigu í gistiheimili fyrir arabíska hælisleitendur. 

Verkið fjallar um Mörtu og Heiðar sem bjóða nágrönnum sínum heim að ræða málin yfir elítufæði; ostum og víni. Þar fer allt úr böndunum því þegar á reynir þá þá getur allt gerst. 

Frumsýningin á verkinu fór þó friðsamlega fram. Söngkonurnar Birgitta Haukdal og Ragnhildur Gísladóttir sýndu á sér betri hliðarnar og leikarinn Níels Thibaud Girerd, Nilli, mætti með mömmu sinni. Þar sem hann er, þar er gaman. Hjónin Salka Sól og Arnar Freyr voru í essinu sínu og það var líka Ragnhildur Steinunn Jónsdóttir og Sigrún Ósk Kristjánsdóttir. Þröstur Leó Gunnarsson dró fram flauelsbuxurnar sem fóru vel við yfirvaraskeggið. Það er varla hægt að hafa það neitt betra en það!