Það var ekki þverfótað fyrir skvísum þegar heildverslunin Tribus bauð í teiti í Höfuðstöðinni til að fagna nýjungum frá Stylpro. Boðið var upp á drykki frá Reykjavík Cocktails, freyðandi búbblur, sæta bita og auðvitað fjör því boðsgestir voru ekki af verri endanum. 

Manuela Ósk Harðardóttir fegurðardrottning, Sigrún Ása Jörgensen stílisti og Heiður Ósk Eggertsdóttir og Ingunn Sigurðardóttir, eigendur Reykjavík Makeup School, mættu. Binni Glee gerði slíkt hið sama og líka Magnea Björg Jónsdóttir áhrifavaldur og yfirskvísa. 

Íris Ósk Reynisdóttir, sem rekur Tribus ásamt foreldrum sínum, og Ása Lind Birgisdóttir, vörumerkjastjóri Tribus, sönnuðu það að þær kunna að halda partí því fjörið fór yfir hættumörk. Íris kenndi fólki að nota Led-grímur frá Stylpro en þær geta gert mikið fyrir þreytta húð sem þarf upplyftingu. Og líka fyrir húð sem þarf að meiri ljóma og allt þetta sem fólk þráir núna!