Nuddið leiddi til kynlífs

Kona leitaði til Deidre ráðgjafa The Sun eftir að hún stundaði kynlíf með vini eiginmanns síns sem ætlaði bara að nudda hana. 

Þetta var það síðasta sem ég ætlaði mér. Ég er 31 árs og gift góðum manni, en hann hefur verið fjarlægur upp á síðkastið og það hefur verið afar lítið kynlíf. Hann er líka 31 árs og við höfum verið gift í sjö ár.

Vinur eiginmanns míns var eitt sinn nuddari og bauðst til þess að hjálpa mér þegar ég meiddi mig í fætinum. Hann er 29 ára og á engan maka eins og stendur þannig við bjóðum honum stundum í mat. Þetta kvöld fékk eiginmaður minn símtal frá vinnunni vegna neyðartilviks og vissi að hann þyrfti að fara um kvöldið. En við vildum ekki hætta við matinn þannig við ákváðum að vinur hans kæmi samt. Við borðuðum kvöldmatinn og svo fór maðurinn minn á fund sem var klukkutíma í burtu. Ég og vinurinn vorum að tala saman og ég sagði honum að ég ætti í vandamáli með fótinn á mér. Sjúkraþjálfarinn minn ráðlagði mér að gera einhverjar æfingar en þrátt fyrir það var mér enn illt í fætinum.

Hann stakk upp á því að nudda fótinn svo við opnuðum svefnsófann og ég lagðist niður með fæturna bera. Nuddið var mjög gott og ég hafði ekki verið svona slök lengi. Hann sagði að allur líkami minn væri stífur og færði hendurnar smám saman upp. Ég held ég hafi gefið frá mér ánægjustunu og það hafi hvatt hann. Nuddið varð mjög ákaft og hann sagði að það mundi verða betra ef ég væri ekki í fötum. Svo ég fór úr þeim. Það leiddi til ótrúlega góðs kynlífs, ég hef ekki stundað svoleiðis í mörg ár. Ég ætlaði mér ekki að halda framhjá en á undarlegan hátt finn ég ekki fyrir sektarkennd. Ég veit bara ekki hvernig ég á að halda áfram.

Deidre segir konunni hinsvegar að það fari eftir því í hvaða ástandi hjónabandið sé.

Ef þú elskar eiginmann þinn sem þú segir að sé góður maður, væri gáfulagt af þér að segja þessum manni að það sem gerðist var ekki í lagi og muni ekki gerast aftur. Síðan passarðu að forðast að vera ein með honum þegar eiginmaður þinn býður honum í heimsókn.

Það að stunda ekki kynlíf getur auðveldlega orðið að ávana. Talaðu við eiginmann þinn. Segðu honum að þú saknir þess að vera nálægt honum eins og þið voruð áður fyrr. Farðu líka gaumgæfilega yfir samband þitt. Eru þið að eyða nógu mörgum ánægjustundum saman? Eða lifið þið sitthvoru lífinu og gerið sjaldan eitthvað saman sem par?

Maðurinn bauðst til að nudda konuna. mbl.is/Thinkstockphotos

• 1 blogg um fréttina

Bloggað um fréttina

• Wilhelm Emilsson: Fótanudd