15 atriði sem gera menn graða

Það eru ekki bara augljós atriði eins og brjóst og nakinn líkami sem gerir karlmenn graða. Ótrúlegustu atriði eiga það til að fá hold karlmanna til að rísa. Cosmopolitan tók saman nokkur óvenjuleg atriði sem gera karlmenn graða. 

1. Ákveðið lag

Ákveðið lag getur rifjað upp gamlar minningar eins og til dæmis það lag sem var á þegar hann fékk í fyrsta skipti fullnægingu í bíl. 

2. Lyktin af ilmvatninu þínu

Lykt getur rifjað upp gamlar minningar. Því geta karlmenn æst við það eitt að finna lykt af ilmvatni maka síns eða fyrrverandi maka. 

3. Þegar hann sér sjálfan sig nakinn í spegli

Fólk elskar að horfa á sig í spegli þegar það lítur vel út. mbl.is/Thinkstockphotos

Fólk elskar að vera nakið og hvort sem það vill viðurkenna það eða ekki þá hafa flestir horft á sig í spegli áður en þeir stíga inn í sturtuna. Suma dagana lítur maður betur út en aðra og þá er allt í lagi að vera ánægður með sjálfan sig. 

4. Þegar hann borðar jarðarber eða ostrur

Matur getur komið fólki í rétta gírinn. Það þarf ekki endilega ostrur eða jarðarber en það eru allir veikir fyrir einhverjum fæðuflokki. 

5. Þegar þú birtist í rauðum kjól

Það er ástæða fyrir því að rauður er litur ástarinnar. Rannsóknir hafa sýnt að rauður litur tengist örvun. 

6. Þegar þið farið í kitlustríð á sunnudagsmorgni

Kitl getur í rauninni verið ákveðið blæti, það er hins vegar mjög algengt og því ekki ólíklegt að smá kitl komi manninum þínum til. 

7. Klór

Það að klóra manninum á bakinu getur örvað suma karlmenn. 

8. Hrein rúmföt

Það jafnast ekkert á að vera nýkomin úr baði og leggjast nakin upp í rúm með hreinum rúmfötum. Samkvæmt breskri könnun komast bæði konur og karlmenn í stuð við hrein rúmföt. 

9. Hræðsla 

Standpína vegna hræðslu er til. Í rauninni er eiga hræðsla og örvun ýmislegt sameiginlegt, meðal annars stuttan andardrátt og hærri blóðþrýsting. Því getur heilinn mistúlkað hræðsluna fyrir greddu. 

10. Þegar þú klæðist skyrtunni hans

Það er eitthvað kynþokkafullt við það þegar kona klæðist skyrtu maka síns. 

11. Ef þú kannt að spila á gítar

Það telst vera kynþokkafullur eiginleiki að kunna á gítar eða í raun hvaða hljóðfæri sem er. Karlmönnum finnst ekki slæmt að sjá maka sinn spila nokkra tóna. 

Góður húmor þykir kynþokkafullur. mbl.is/Thinkstockphotos

12. Þegar þú færð hann til að hlæja

Það er alltaf kynþokkafullt að vera með góðan húmor. 

13. Sjálfstraust

Karlmönnum finnst fátt jafnkynþokkafullt og kona með sjálfstraust. 

14. Hnyttnar samræður

Hnyttnar og góðar samræður er daður eins og það gerist best. 

15. Nördaskapur

Þú þarft ekki að vera fótboltanörd eða Star Wars-nörd. Karlmönnum þykir einfaldlega mikið til þess koma ef maki þeirra hefur mikla ástríðu fyrir einhverju ákveðnu. 

• Blogga um frétt