Kærastinn er giftur, hvað er til ráða?

Kona leitaði til Deidre ráðgjafa The Sun vegna þess að hún á í ástarsambandi við giftan mann. 

Kæra Deidre, ég byrjaði að stunda kynlíf með með minni einu sönnu ást trúandi því að hann væri frjáls maður. Kynlífið var frábært, það er það ennþá, og ég var virkilega fallin fyrir honum þegar hann loksins sagði mér að hann væri giftur. 

Ég er 29 ára og ástmaður minn er 34 ára. Við hittumst fyrst fyrir sex árum þegar ég var í brúðkaupi með manneskju sem ég var þá með.

Ég leit yfir veislutjaldið á meðan brúðkaupinu stóð og sá þá þennan gullfallega mann. Hann sá mig horfa á sig og gekk yfir til mín. Hann tók í hönd mína og kynnti sig. Ég var nýbúin að bæta honum við sem vin á Facebook í gegnum sameiginlegan vin. Kærastinn minn horfði á þetta og tók í mig. Ég hélt að þessu var lokið. 

Fjórum árum seinna þegar samband við maka minn einkenndist af óhamingju og ég vildi hætta í sambandinu fékk ég skilaboð. Þau voru frá manninum í brúðkaupinu þar sem hann sagði að hann væri til staðar fyrir mig ef ég þyrfti að tala. 

Ég var hissa en hugsaði ekki mikið um það þangað til að ég hætti með mínum fyrrverandi. Ég byrjaði þá að tala við þennan mann á hverjum degi. Hann gerði ráðstafanir til þess að ná í mig eftir vinnu eitt kvöldið. Við náðum strax mjög vel saman. Um kvöldið kysstumst við þegar hann skutlaði mér heim, daginn eftir kom hann með mér inn og við stunduðum kynlíf. Það var frábært en hann varð órólegur og dreif sig heim. 

Hann sendi mér ekki skilaboð í margar viku og ég hélt bara að hann hafði skipt um skoðun. Síðan upp úr þurru hafði hann aftur samband. Hann viðurkenndi að hann væri giftur en sagði mér að fyrir honum hefði þetta verið ást við fyrstu sín. 

Við réðum ekki við okkur og framhjáhaldið hélt áfram. Kynlífið með honum er rosalegt. Við höfum oft reynt að hætta þessu en það endist aldrei meira en nokkrar viku. Hann segist elska eiginkonu sina en elskar mig á annan hátt og það rugli hann. Ég get ekki hætt að hugsa um hann. 

Deidre ráðleggur henni að hætta láta þennan mann rugla í tilfinningum hennar og vonar að hún hafi hugrekki til þess að enda sambandið. 

Ástmaður þinn hefur engar áætlanir að yfirgefa eiginkonu sína að minnsta kosti ekki á meðan hann getur fengið það besta úr báðum heimum. Þú ert fallin fyrir honum en hann á ekki eftir skuldbinda sig þér.

Segðu honum að þetta sé búið, að þú getir ekki hitt hann aftur og haltu þig við það. Kláraðu að gráta yfir honum en ákveddu síðan að leggja þig fram við að halda áfram. Þú átt miklu betra skilið en þarft ef til vill á hjálp að halda til þess að átta þig á því. Einbeittu þér að því að bæta félagslíf þitt. Það er til fullt af frábærum mönnum sem eru óbundnir. Finndu einhvern sem á ást þina skilið og sem vill það sama og þú. 

Maðurinn er giftur. mbl.is/Thinkstockphotos

• Blogga um frétt