Erum við á föstu?

Erum við þá saman á föstu?
Erum við þá saman á föstu? mbl.is/Thinkstockphotos

Að vera á markaðnum, á lausu eins og það kallast oft, getur verið heljarinnar áskorun. Hvað gerir maður hvenær? Hvenær er maður byrjaður saman? Hvað má á fyrsta stefnumóti? Við förum yfir helstu samkvæmisreglurnar í dag.

Fólk nálgast samkvæmislífið á mismunandi hátt í dag. Þeir sem eru á markaðnum, að leita sér að maka upplifa sama markaðinn ólíkt. Sumir eru mikið á stefnumótum, aðrir að prófa sig áfram á óhefðbundnari hátt og svo eru þeir sem eru á markaðnum, en ekki svo mikið að fara út eða prófa sig áfram.

Hér koma nokkur ráð sem gott er að hafa að leiðarljósi ef þig langar að hitta hina/hinn eina rétta og fara á fast.

1. Kynntu þér hvað virkar og hvað virkar ekki

Þegar maður er á þeim tímamótum að mann langar í samband er gott að skoða hvaða sambönd ganga upp og hvaða sambönd ganga ekki upp í dag.

Rannsóknir sýna að aldamótakynslóðin sé mun betri en aðrar kynslóðir í samböndum og má rekja það til þess að þessi kynslóð er ekki að flýta sér, hún tekur sér tíma til að kynnast og fer óhefðbundnar leiðir til að finna sér maka.

Jafnframt eru margir sambandsráðgjafar sammála um að þau sambönd sem ganga síður upp eru þau sambönd þar sem aðilar drógu sig saman án þess að þekkjast nægilega vel.

Það sem virkar best er því að gefa sér góða tíma til að kynnast væntanlegum maka, talaðu af hreinskilni um hver þú ert og hvað þú vilt og skoðaðu hvort hinn aðilinn passi raunverulega við þig. 

2. Kynntu þig strax inn í vinskapinn

Það sem mælt er með er að fólk sleppi öllum samkvæmisleikjum. Auðvitað á að hafa gaman og kynnast, en sambönd þar sem bara leikir og daður eru í gangi geta haldið þannig áfram í mörg ár og skapað mikla vanlíðan hjá öðrum eða báðum aðilum þegar á líður.

Ef þú kynnir þig strax inn í sambandið, ertu einnig að setja inn þín gildi og í raun reglur fyrir samskiptin. Þannig þarftu ekki að hafa áhyggjur af því að hinn aðilinn sé að hitta fleiri aðila, með því t.d. að kynna strax að þú sért raunverulega að leita þér að maka og langar að skoða hvort hann/hún gæti verið sá/sú.

Það er ekki til nein ein leið sem virkar í þessu. En besta leiðin er auðvitað að vera í einhverri sjálfsvinnu á þessum tíma, að gera upp eldri sambönd og kynnast hvað þú raunverulega vilt sjálf/sjálfur.

3. Settu mörk

Það sem sterkir aðilar gera sem hafa lagt vinnu í að rækta sig, er að setja mörk gagnvart sér sjálfum og öðrum. Ef þú hefur sterk innri mörk þá þarftu varla að ræða þau. Þú munt draga til þín fólk á svipuðum stað og þú ert á, og fæla frá fólk sem er á öðrum stað í lífinu.

Þú þarft hins vegar ekki að vera með mörk gagnvart öllu, og þau geta komið hægt og rólega, en ekki gefa afslátt af þínum gildum. Eftir því sem þú ert meira að sinna þér og þínum frístundum, muntu finna fljótt hver passar inn í það og hver ekki.

4. Ekki týna þér

Sumir falla stöðugt í þann pytt að týna sjálfum sér við hvert samband sem það skoðar að fara inn í. Ekki gera það. Það bitnar mest á þér sjálfum/sjálfri seinna. Samband þitt við þig er það sem mestu máli skiptir. Er það heilbrigt? Uppbyggilegt? Mundu að það þarf heilt þorp til að láta samband ganga, svo ekki setja alla þína hamingju á einn aðila.

5. Margir týndir?

Ef þú ert á þeim stað þar sem eina fólkið sem þú hittir er fólk sem er ekki tilbúið að skuldbinda sig. Skoðaðu þá hvað þú ert að laða að þér. Skoðaðu staðina sem þú ferð á og hvaða strauma þú ert að senda frá þér.

Þegar við erum á þessum stað, þá er það vanalega af því maður er ekki sjálfur tilbúinn að skuldbinda sig. Við hvað ertu hrædd/hræddur? Ræddu það við ráðgjafa eða einhvern fagaðila. Það er ótrúlegt hvað hægt er að vinna í mörgum tilfinningum og oftast er eitthvað undirliggjandi sem þarf að vinna í þegar maður er fastur á sama staðnum.

6. Mér líður vel einum/einni

Ef þú hefur áhyggjur af því að þér líði bara svo vel á eigin forsendum að þig langar ekki að skuldbindast öðrum getur það verið frábær staður fyrir sambönd seinna meir.

Í raun er sagt að þannig þurfi manni að líða til að ná raunverulegri hamingju í sambandi. Það þurfa heldur ekki allir að vera í sambandi, mundu það.

Hins vegar þarf maður alltaf að passa að vera ekki í sjálfsblekkingu þarna. Getur verið að þú sért að gera eitthvað sem þú veist að enginn maki sætti sig við? Ertu í sjálfskaða og þannig tilfinningalega ekki til staðar fyrir þig eða aðra? Það er verðugt verkefni að skoða alla hluti í lífinu ef maður er ekki á þeim stað sem manni dreymir um.

7. Taktu þér tíma

Það sem er mikilvægt að muna er að til þess að lifa góðu lífi, þá verður manni að líða vel í sambandinu sem maður er í og einnig í vinnunni. Þessir tveir hlutir skipta miklu máli. Það er sjaldnast snjallt að fara í samband bara til að vera í sambandi. Ef þú veist að flest sambönd ganga illa þar sem báðir aðilar hafa farið of fljótt í samband án þess að kynnast nógu vel, gefðu þér þá tíma til að kynnast. Njóttu tilhugalífsins og ef eitthvað er að trufla þig, ræddu það þá bara við þann sem þú ert að hitta. Það getur verið kjörið tækifæri til að halda áfram á næsta stig í sambandinu. Ef þú óttast að fæla hinn aðilann frá, skoðaðu þá hvort þessar tilfinningar geta verið á réttu byggðar. Kannski er hinn aðilinn bara að leika sér? Þú skaðar ekkert með því að komast að því.

Þeir sem eru mikið að leika sér í samkvæmisleikjum eru svolítið týndir og eiga allt gott skilið. Ekki vera fórnarlamb þannig fólks samt. Það er óþarfi að fara niður á eitthvert plan sem aðrir eru á. Ef þig grunar að þú sért í þannig, taktu þá bara á því af kærleika. Settu mörk, vertu ljúf/ljúfur og haltu áfram.

Er þetta samband?

Ef þú hefur verið að hitta einhvern aðila og ert óviss hvar þið standið og þig langar að taka sambandið áfram. Sestu niður og ræddu það af hreinskilni. Það getur ekki skaðað neitt. Sterkasta fólkið upplifir tilfinningar sama hvað hinn er að fara í gegnum. Þú getur bara staðið með þér og sambandinu að þessu leyti. Ekki vera meðvirkur og bíða eftir besta tímanum. Hann gæti aldrei komið nema að þú takir af skarið og talir um hlutina. Fólk getur talað um þessa hluti, einungis nokkrum vikum eftir að það byrjar að hittast. En reynslan segir okkur að eftir því sem lengri tími líður, þeim mun erfiðari verða svona samtöl.

Gangi þér vel.

mbl.is

Úr herstöðinni beint í bakpokaferðalag

06:00 Una Sighvatsdóttir, blaðamaður og fyrrverandi upplýsingafulltrúi NATO í Afganistan, fór í ferðalag um heiminn eftir að hún sagði skilið við NATO. Hún segir mikið frelsi í því að ferðast ein, en hún fór til 7 landa í Suður-Ameríku. Meira »

Tölvupóstsamskipti utan vinnutíma hafa slæm áhrif

Í gær, 22:43 Niðurstöður nýrrar rannsóknar benda til þess að tölvupóstsamskipti hafi neikvæð áhrif á heilsuna. Mælt er með því að takmarka þann tíma sem fer í tölvupóstsamskipti utan vinnutíma. Meira »

Vill hitta „hina konuna“

Í gær, 19:44 Eiginkona manns sem hélt framhjá henni er forvitin um „hina konuna“ og langar til að hitta hana áður en hún ákveður hvort hún eigi að skilja við eiginmann sinn. Meira »

Á bak við tjöldin í forsíðumyndatöku Beyoncé

Í gær, 15:00 Myndbandið af forsíðumyndatöku Beyoncé fyrir Vogue er draumkennt en þar má sjá börnin hennar og Jay-Z, Blue og tvíburana Sir og Rumi, leika sér á meðan mamma þeirra situr fyrir. Meira »

Guðrún Bergmann segir frá

Í gær, 11:06 „Hann var einhver sem ég átti að geta treyst, en hann rauf það traust og ákvað að æfa sig í samförum á mér tæplega sjö ára barninu. Ég var auðveld bráð, komin upp í hjónarúmið þar sem ég átti að sofa.“ Meira »

Af hverju flestir ná ekki að breyta um lífsstíl

Í gær, 09:00 Sara Barðdal, ÍAK-einkaþjálfari og heilsumarkþjálfi, skrifar um hvers vegna flestir ná ekki að breyta um lífsstíl. Þann 17. ágúst fer hún af stað með tíu daga heilsuáskorun þar sem hún aðstoðar þátttakendur við að setja sér markmið og ná þeim. Meira »

Einfaldleiki og fegurð í 101

í gær Einfaldur stíll og smekklegheit einkenna þessa 142 fm íbúð sem staðsett er í 101. Ekkert óþarfa prjál er í íbúðinni og á hver hlutur sinn stað. Meira »

Skipti yfir í plöntufæði og missti 9 kíló

í fyrradag Tónlistarmaðurinn Will.I.Am missti 9 kíló með því að skipta yfir í plöntufæði og bæta svefninn, en hann hafði þyngst mikið og var ekki við góða heilsu. Meira »

Hefnir sín á Trump með fatavali

í fyrradag Omarosa Manigault Newman, fyrrverandi ráðgjafi í Hvíta húsinu, skrifar í nýútkominni bók sinni Unhinged að Melania Trump refsi eiginmanni sínum með fatavali sínu. Meira »

Haustlína Supreme sjúklega töff

í fyrradag Supreme gaf út lookbook fyrir haust- og vetrarlínu sína í gær. Litríkir jakkar og úlpur eru áberandi í línunni.  Meira »

Taktu á móti haustinu í valdeflandi peysu

í fyrradag „Bleikur er uppáhaldsliturinn minn og mér finnst hann svo fallegur fyrir allan aldur og bæði kyn. Mér fannst líka skipta máli að gera eitthvað allt annað en síðast svo þeir sem keyptu síðast peysu væru spenntir að fjárfesta í nýrri og styrkja gott málefni í leiðinni.“ Meira »

Egill tekur pásu frá Íslandi og fer til Balí

í fyrradag Egill Fannar Halldórsson segir að nóvember sé langbesti tíminn til að fara til Balí og upplifa sönn ævintýri.   Meira »

10 lífsreglur Diane von Furstenberg

14.8. „Flest ævintýri enda á því að stúlkan giftist prinsinum og lifir síðan hamingjusöm til æviloka. Mitt ævintýri byrjaði fyrst þegar ég hafði fengið skilnað frá mínum prinsi.“ Meira »

Kemst ekki yfir skilnaðinn við kærustuna

13.8. „Ég er karlmaður á miðjum aldri. Skildi fyrir 6 árum vegna framhjáhalds konunnar. Skilnaðurinn sem átti sér talsverðan aðdraganda var mér ekki mjög erfiður. Hafði lengi grunað að konan héldi fram hjá og fannst í raun mikill léttir að skilja og losna við alla lygina,“ segir íslenskur maður sem leitar ráða hjá Valdimari. Meira »

Kynlíf eftir skilnað er alveg bannað

13.8. „Tiffany segir að kynlíf sé algjörlega bannað eftir skilnað og telur hún að það sé notað sem kúgunaraðferð og geri það erfiðara fyrir aðilana að halda áfram lífinu og rækta sér nýtt land. Mörk innihalda virðingu og það að þið eruð skilin þýðir að þið hafið ekki rétt á hvort öðru á þennan hátt.“ Meira »

Stal senunni í bleikum plastgalla

13.8. Það var mikið um liti og mynstur á rauða dreglinum fyrir Teen Choice-verðlaunahátíðina um helgina.   Meira »

Vel skipulögð fjölskylduíbúð við Húsalind

13.8. Litagleði og gott skipulag einkennir þessa dásamlegu fjölskyldubúð í Kópavogi. Mikið er lagt í barnaherbergin og er mikið af góðum sniðugum lausnum á heimilinu. Meira »

Treystir ekki kærastanum

13.8. „Þegar við kynntumst þá var strax brjálað „kemistrí“ okkar á milli. Við gátum talað um allt. Stuttu eftir að við kynntumst flutti ég til hans. Það var þá sem ég uppgötvaði að hann hafði í sambandinu með mér verið að daðra við aðrar stelpur á netinu. Ég varð reið en í staðinn fyrir að öskra og labba út fór ég að gráta og brotnaði niður. Var ég ekki nógu góð?“ Meira »

Þessi dýrð er í nýja IKEA bæklingnum

13.8. Allir heimilisunnendur elska þegar nýr IKEA bæklingur kemur inn um lúguna. Nú er bæklingurinn kominn og þeir sem ætla að breyta aðeins og bæta hjá sér fyrir haustið verða ekki sviknir. Meira »

Khloé hannar íþróttafatalínu

12.8. Khloé Kardashian hannar ekki bara gallabuxur undir merkinu „Good American“ því nú hefur hún hannað sjúklega flotta íþróttafatalínu. Meira »

Fer að gráta þegar hann á að hlýða

12.8. „Mig vantar ráðgjöf varðandi miðjustrákinn minn. Þeir eru þrír bræðurnir og ég hef tekið eftir breytingum í hegðun og atferli hjá honum. Hann fer gjarnan í grátinn þegar við erum að reyna að fá hann til að hlýða og hann bregst illa við þegar við komum til hans og bjóðum honum faðminn.“ Meira »