Kynhvöt minnkar við barnaeignapælingar

Þegar lítil kynhvöt karla var rannsökuð kom í ljós að það að vilja eignast barn gæti minnkað kynlöngun karla. Lítil kynlöngun hlýtur að setja strik í reikninginn ef barneignir eru í spilunum. 

Men's Health greinir frá rannsókninni sem ítalskir vísindamenn gerðu. Aðstandendur rannsóknarinnar telja að ástæðan fyrir því að kynlöngunin minnki sé hræðslan við að kynlífið breytist eftir að barn er komið í heiminn. 

Filippo M. Nimbi, aðalrannsakandinn, segir að lengi vel hafi spjótunum verið beint að kynlöngun kvenna, að kynlöngun kvenna sé flókin og full af sálfræðilegum vandamálum. Það sé ekki endilega öðruvísi í tilviki karla og að kynvitund karla er flóknari en oft hefur verið haldið. 

Ásamt lönguninni til að eignast barn var skortur á kynferðislegum hugsunum og ótti helsta ástæðan fyrir því að kynlöngun karla í rannsókninni var ekki með besta móti. 

„Í raunveruleikanum sem við mætum erum við ekki vön því að upplifa og að njóta ununar í kynlífi. Aðallega erum við að flýta okkur og einbeitum okkur að fullnægingu, en kynferði (og unun) er svo miklu meira,“ sagði vísindamaðurinn.