Vandræðalegar þagnir gera lítið fyrir fyrsta stefnumótið, það getur því verið gott að undirbúa sig. Sérfræðingar í stefnumótum og samböndum mælta með því að bíða með stóru spurningarnar. 

Independent leitaði ráða hjá James Preece varðandi það hvað ætti og ætti ekki að tala um á fyrsta stefnumóti. Preece sem er stefnumótaþjálfari mælir með að halda fyrstu stefnumótinu á léttu nótunum.  

Preece mælir því með því að tala um fjölskylduna, það frí sem er í mestu uppáhaldi og ástríðu fólks. Hann segir að ef fólk tali um eitthvað ánægjulegt og jákvætt þá verði litið á það með þeim augum. Á sama hátt smitar neikvæðnin. Ef fólk tekur fyrir eitthvað neikvætt umræðuefni þá fær fólk frekar á sig neikvæða ímynd. 

Pólitík, leiðinlegt veður og að spyrja af hverju fólk er enn einhleypt er því ekki góð hugmynd. „Það er ekkert verra en að þurfa að verja sig fyrir ókunnugum,“ bendir Preece á. 

Annar ástarmálasérfræðingur tekur undir skoðanir Preece. Madeline Mason segir að fyrsta stefnumótið eigi að vera skemmtilegt og sýna hversu vel fólki kemur saman. Fyrsta stefnumótið er ekki rétti tíminn til þess að kafa ofan í gömul ástarsambönd, hræðileg stefnumót. Ekki sé heldur gott að fá útrás fyrir pólitískar skoðanir sínar eða aðra óánægju. 

„Ekki spyrja hversu marga fyrrverandi maka fólkið á, hversu mörg stefnumót það hefur farið á eða af hverju síðasta samband gekk ekki upp. Spyrðu að því seinna,“ segir Mason. 

Góðir samskiptahæfileikar geta komið sér vel þegar farið er á stefnumót. mbl.is/Thinkstockphotos

Tengdar fréttir

Samskipti kynjanna

„Þessar áskoranir eru mjög algengar í ADHD parasambandi“

• Missti meydóminn 35 ára gömul
• Íslenskur karl leitar ráða vegna leiðinlegrar eiginkonu
• Kynlífið snarminnkaði eftir að sambúðin hófst
• Sigga Dögg nakin í Argentínu

» Fleiri tengdar fréttir

• Blogga um frétt