Það borgar sig að koma vel fyrir á fyrsta stefnumótinu, það er að segja ef þú vilt komast á stefnumót númer tvö. Stundum er hreinlega betra að bíða með að plana barneignir áður en að aðalrétturinn kemur á borðið eins og Business Insider fór yfir.
„Af hverju ertu einhleyp/ur?“
Einhverjir gætu haldið að þessi spurning væri hrós en hún er það í rauninni ekki. Hún bendir til þess að það sé eitthvað að því að vera ekki í sambandi og jafnvel eins og það sé eitthvað að manneskjunni. Auk þess eru ekki allir sem vilja vera í samböndum.
„Viltu eiga börn? Gifta þig?“
Það er aðeins of mikið að byrja að huga að barneignum og brúðkaupi á fyrsta stefnumóti. Af hverju að flýta sér? Ef allt gengur vel ættu pör að hafa nægan tíma til þess að finna út úr þessu.
„Hvað færðu í laun?“
Það er dónalegt að spyrja að þessu auk þess sem reynir að komast að því hvað er inn á bankabók mögulegs maka á fyrsta stefnumóti virkar grunnhyggið.