@finduslost er eitt áhugaverðasta ferðabloggið um þessar mundir fyrir pör. Saga Selenu og Jacob er áhugaverð. Smartland hvetur öll pör sem vilja halda í ástina og láta hana vaxa til að lesa þessa frétt.
Selena og Jacob voru búsett í Kaliforníu fyrir tveimur árum þegar Selena fékk þá hugmynd að hana langaði að ferðast um Evrópu með kærastanum sínum. Hún er góður penni og hann framúrskarandi ljósmyndari. Ferðalag þeirra sem átti einungis að taka þrjá mánuði er ennþá í gangi. Þau eru reyndar komin með aðsetur í Amsterdam en þökk sé Instagram þá geta þau núna ferðast um alla Evrópu og víðar, með því að pósta myndum og fréttum frá þeim stöðum þar sem þau koma. Rúmlega 156.000 manns er fylgjendur þeirra á samfélagsmiðlum.
Selena og Jacob eru á því að pör sem ferðast saman haldist saman. Þau hafa frá því að þau hófu ferðalag sitt, nú þegar gengið í hjónaband. Þau bjóða upp á leiðsögn um ákveðin svæði í gegnum heimasíðuna sína.
Sjón er sögu ríkari. Myndirnar þeirra sýna hversu dýrmætt er að fjárfesta í ástinni. Sambönd geta verið áskorun. Stundum er lausnin sú að týnast smávegis saman, til að finna aftur tóninn í sambandi. Af hverju ekki að fá leiðsögn frá parinu sem virðist kunna þetta hvað best?