Sumurin eru tilvalin til þess að breyta til í svefnherberginu. Margir eru ef til vill hressari eftir D-vítamínsprautuna á Spáni eða Atlavík. Hinir sem eyða sumrinu í haustveðrinu á höfuðborgarsvæðinu geta nýtt dauða tímann í sumarfríinu í svefnherberginu. Bustle tók saman nokkrar fullkomnar stellingar fyrir sumarið.
Hundurinn með strandbolta
Annar aðilinn er á fjórum fótum og hinn fyrir aftan, það kannast margir við þessa stellingu. Á sumrin er hins vegar tilvalið að nýta strandbolta. Mælt er með því að sá sem er á fjórum fótum leggi þunga á strandboltann en þannig má auka unað.
Standandi í sturtunni
Það þarf ekki endilega að vera sumar til þess að stunda kynlíf í sturtunni en ef það er heitt er gott að kæla sig í sturtuklefanum. Það þarf þó að fara gætilega og passa sig á sleipum botni auk þess sem sleipiefni skemmir ekki fyrir þegar kynlíf og vatn eru annars vegar.
Öfug kúrekastelpa í baði
Ef sturtan er ekki málið er hægt að nýta baðið. Karlmaðurinn ætti að liggja í baðinu og konan fer ofan á þannig að andlitið vísar frá manninum.
Konan ofan á
Ef það er heitt og maðurinn á það til að svitna mjög mikið er ágætt fyrir þær konur sem vilja ekki lenda í svitarigningu að fara ofan á. Ólíkt því sem var lýst að ofan með stellinguna í baðinu snýr konan að manninum í þessari stellingu.
Sitjandi með andlitin að hvort öðru í bíl
Ef þú ert á hringferð um landið er hægt að stunda kynlíf á fleiri stöðum en bara inni í tjaldi á vindsæng. Bíllinn er tilvalinn þótt það sé reyndar mælt með fáförnum vegi. Þá getur annar aðilinn setið í bílsætinu á meðan hinn fer ofan á og snýr að hinum aðilanum.
Standandi í sundlaug
Það eru fáir sem fá tækifæri til að stunda kynlíf í sundi á Íslandi en þeir sem leigja sér hús á Spáni með einkasundlaug ættu að nýta tækifærið. Hægt er að halla sér að sundlaugarbakkanum sem og styðja sig við hann.