Það getur verið erfitt að halda áfram að vera vinur fyrrverandi maka eftir sambandsslit. Sumum tekst það þó með glæsibrag og eru nokkur fræg pör sem hefur tekist það sem öðrum finnst ómögulegt eins og kemur fram á vef Elite Daily.
Demi Lovato og Joe Jonas
Tónlistarfólkið var saman árið 2010 en nú átta árum seinna eru þau í góðu sambandi.
Gwyneth Paltrow og Chris Martin
Leikkonan og Coldplay-söngvarinn voru gift í 11 ár og eiga saman tvö börn en árið 2014 hættu þau saman. Í dag eyða þau miklum tíma saman og eyðir Martin meira segja tíma með unnusta Paltrow.
Lady Gaga og Taylor Kinney
Söngkonan og leikarinn hættu saman árið 2016 eftir fimm ára samband en eru þó enn góðir vinir.
Jennifer Garner og Ben Affleck
Leikarahjónin hættu saman fyrir þremur árum eftir tíu ára hjónaband. Affleck bjó þó lengi á heimilinu og þau styðja hvort annað í blíðu og stríðu. Garner þarf líklega að styðja Affleck meira en hann hana. Hún er sögð hafa keyrt hann í meðferð í lok sumars.
Jennifer Lopez og Marc Anthony
Hjónin fyrrverandi tilkynntu árið 2014 að þau ætluðu að skilja. Í fyrra lýsti þó söngkonan fyrrverandi eiginmanni sínum sem sínum besta vini.