Makinn vill ekki að ég hitti vinkonur mínar

Það eru ekki allar konur eins og vinkonurnar í Beðmálum ...
Það eru ekki allar konur eins og vinkonurnar í Beðmálum í borginni.

Valdimar Þór Svavarsson ráðgjafi hjá Fyrsta skrefinu svarar spurningum lesenda Smartlands. Hér fær hann spurningu frá konu sem er eiginlega hætt að hitta vinkonur sínar því það fer svo illa ofan í maka hennar. 

Sæll Valdimar og takk fyrir öll svörin sem þú hefur veitt.

Ég hef verið að hugsa mikið um ákveðið vandamál sem hefur alltaf verið til staðar í sambandinu mínu og reyndar heyri ég oft af því hjá öðru fólki í kringum mig. Þannig er að alltaf þegar mig langar að fara eitthvað út til dæmis með vinkonum mínum þá verður maðurinn minn rosalega pirraður og virðist gera allta til að draga mig niður. Hann virðist stöðugt óttast að eitthvað gerist og tilhugsunin um að „sleppa“ mér einni virðist vera meira en hann ræður við. Það er orðið mjög erfitt fyrir mig að afsaka mig frá því að hitta vinkonur mínar og þegar til dæmis er talað um að fara til útlanda saman þá fæ ég bara kvíðahnút í magann af því ég veit að það er í rauninni ekki möguleiki fyrir mig, það kostar of mikið álag. Ég finn það að þetta er farið að vera hundleiðinlegt og pirrandi enda vil ég ekki einangra mig og stundum langar manni einfaldlega að gera eitthvað með vinum sínum, án þess að makinn sé endilega með. Hann hefur líka sagt að það sé ekki eðlilegt að vilja það og að ef fólk er í sambandi þá sé það búið að skuldbinda sig því hlutverki og ætti því ekki að vilja þvælast eitthvað án makans.

Hvað finnst þér um þetta, ætti ég að vera „góð“ og sætta mig einfaldlega við að það sé ekki í boði að ég fari eitthvað ein? Mér finnst það samt svo sorglegt.

Ein ráðþrota

Valdimar Þór Svavarsson ráðgjafi hjá Fyrsta skrefinu.
Valdimar Þór Svavarsson ráðgjafi hjá Fyrsta skrefinu. mbl.is/Árni Sæberg

Góðan daginn „ráðþrota“ og takk fyrir þessa spurningu.

Það sem þú talar um er víða vandamál og virkilega gott að ræða þessa hluti fyrir öll pör. Í grunninn getum við sagt að það sé engan veginn eðlilegt að geta ekki notið þess að hitta vini sína og jafnvel ferðast með þeim ef svo ber undir. Það er engu að síður mjög algengt að ástandið sem þú lýsir sé til staðar í samböndum, þar sem annar aðilinn gerir það sem hann getur til að koma í veg fyrir að makinn fari einn síns liðs. Reyndar er það víða þannig að báðir aðilar leika þennan sama leik. Ástæðurnar fyrir þessu geta verið mismunandi. Stundum hefur eitthvað komið upp á í sambandinu sem veldur því að það er ekki traust til staðar. Þetta er oftar en ekki tengt áfengisdrykkju og/eða trúnaðarbrotum í sambandinu. Eins getur það vel verið að einhver slík tilvik hafi gerst í fyrri samböndum og óttinn við að það gerist aftur er enn til staðar. Eðlilega er fólk einhvern tíma að jafna sig ef traustið hefur verið brotið og getur því verið að erfið reynsla af þessu tagi ýti undir óttann við að fólk verði sært á ný. Í öðrum tilvikum eru ástæðurnar að finna alveg aftur í barnæsku þar sem sem fólk upplifði það að verða yfirgefið af þeim sem skiptu það mestu máli. Það skilur eftir sársauka sem kemur sterkt upp í svona aðstæðum þar sem hugurinn magnar upp óttann við að verða hafnað. Margir lísa þessari tilfinningu sem það allra versta sem þeir hafa upplifað og finna algjöran vanmátt gagnvart henni. Þá gera þeir það sem þeir geta til að koma í veg fyrir að þurfa að upplifa sársaukann og fara jafnvel að hindra makann sinn í að umgangast annað fólk. Þetta ástand getur orðið mjög alvarlegt, er augljóslega vont fyrir alla aðila og kemur í veg fyrir persónulegan þroska og þroska sambandsins.

Til þess að sambönd geti gengið sem best eru nokkur grundvallaratriði sem þarf að hlúa að. Traust er eitt þeirra en í þeim tilvikum þar sem fólk ber gamlan sársauka á borð við það að hafa orðið fyrir ítrekaðri höfnun í uppvextinum, þá dugir ekki heilbrigð skynsemi til. Jafnvel í þeim tilvikum þar sem trúnaðarbrot hefur aldrei átt sér stað í sambandinu og þessir einstaklingar viti innst inni að samkvæmt reynslu þeirra í núverandi sambandi, þá þurfi ekkert að óttast, þá er hugurinn fljótur að grípa inn í og sáldra efa og ótta inn í aðstæðurnar. Þar með verða til þessar sterku tilfinningar sem ná tökum á fólki, umfram heilbrigða skynsemi, og valda því að þeir fara að hegða sér í samræmi við það.

Þó svo að við förum í samband má ekki gleyma því að við erum einstaklingar sem höfum þarfir og langanir og líður best ef við erum að vaxa og þroskast í lífinu. Það er augljóslega ekki gott ef við erum svo háð maka okkar eða svo hrædd að við höldum aftur af hvort öðru í lífinu. Best væri ef við værum öll með heilbrigða sjálfsvirðingu og búin að vinna úr fortíðarvanda á borð við það að hafa verið hafnað. Þannig getur einstaklingurinn upplifað að hann sé „nóg“ og ekki háður öðru fólki, þar með talið maka sínum. Það er mikilvægur grunnur að því að geta treyst öðrum og sleppa tökunum á því að við eigum ekki, og getum ekki verið að stjórna öðru fólki. Fyrir þá sem upplifa þennan sterka ótta við að verða yfirgefnir er mjög mikilvægt að vinna úr því með fagaðila. Ég hvet þig til að ræða þetta hreinskilnislega við maka þinn og segja honum hvað þú ert að upplifa. Ef hann er tilbúinn að skoða sínar tilfinningar getur verið að það komi í ljós hver raunverulegi óttinn er og þá getið þið stutt hvort annað í að styrkja hann gagnvart því. Það er ekki gert með því að þú farir aldrei neitt, heldur einmitt með því að æfa ykkur meðvituð um óttann. Þið getið þá rætt jafnóðum um stöðuna, hvernig líðanin er og hvort hann finni sig styrkjast í að upplifa ekki óttann. Ef það gengur vel þá hafið þið vaxið og þroskast sem par og þekkið hvort annað betur. Ef hins vegar að umræða um þessi mál kostar mikil leiðindi og árekstra og að ykkur verði ekkert ágengt með að prófa ykkur áfram, þá tel ég mikilvægt að þið hittið fagaðila sem getur aðstoðað ykkur með þetta verkefni.

Gangi ykkur allt í haginn.

Með bestu kveðju, 

Valdimar Þór Svavarsson, ráðgjafi hjá Fyrsta skrefinu.

Liggur þér eitthvað á hjarta? Þú getur sent Valdimar spurningu HÉR. 

mbl.is

Æskan hefur áhrif á hjónalíf fullorðinsára

Í gær, 22:00 Linda Baldvinsdóttir segir að tengsl okkar við foreldra í æsku hafi miklu meiri áhrif á tengsl okkar á fullorðinsárum en við gerum okkur grein fyrir. Meira »

Í gömlum kjól af mömmu 23 árum seinna

Í gær, 19:00 Viktoría krónprinsessa Svíþjóðar mætti í 23 ára gömlum kjól af móður sinni þegar Nóbelsverðlaunahöfum ársins 2018 var fangað í Stokkhólmi. Meira »

Snákurinn sem táknar óendanleikann

Í gær, 16:30 „Við erum söm við okkur að því leyti að heimur táknanna er okkur endalaus innblástur. Að þessu sinni er það Ouroboros, snákurinn sem hringar sig og bítur í skottið á sér, hann byrjar hvorki né endar. Þannig minnir Ouroboros okkur á eilífa hringrás lífs og dauða.“ Meira »

Meghan Markle mætti óvænt og sló í gegn

Í gær, 13:30 Meghan Markle mætti öllum að óvörum á bresku tískuverðlaunin þar sem hún veitti Claire Waight Keller verðlaun. Keller hannaði brúðarkjól hertogaynjunnar fyrr á þessu ári. Meira »

Hjónarúmið í aðalhlutverki í stofunni

Í gær, 10:22 Við Njálsgötu í Reykjavík hefur fjölskylda búið sér fallegt heimili. Hjónaherbergið er inni í stofunni og býr til heillandi heildarmynd. Meira »

Jólagjafir fyrir hana sem munu slá í gegn

Í gær, 05:30 Þegar kemur að því að velja jólagjöfina hennar er úr miklu að moða í verslunum borgarinnar um þessar mundir. Jólagjafir hafa alls konar merkingu í huga fólks. Sumir kaupa einungis lúxus um jólin en aðrir vilja vera praktískir. Meira »

Fólk ætti að vakna ekki seinna en sex

í fyrradag Það hljómar eins og hræðileg hugmynd að vakna klukkan sex á morgnana en rannsókn sýnir þó að fólk sem vaknar snemma er hamingjusamara. Meira »

Styrkja Kristínu Sif á erfiðum tímum

í fyrradag Maður Kristínar Sifjar útvarpskonu á K100 féll fyrir eigin hendi fyrr í þessum mánuði. Siggi Gunnars, dagskrárstjóri K100 og spinning-kennari, ætlar að leggja sitt af mörkum ásamt Hafdísi Björgu. Meira »

Pattra mætti með Atlas Aron

í fyrradag Pattra Sriyanonge bloggari og eiginkona Theódórs Elmars Bjarnasonar fótboltamanns lét sig ekki vanta þegar HAF Store bauð í teiti á dögunum til að fagna nýju ilmkerti, VETUR, og úrum. Hún mætti með soninn Atlas Aron sem er alveg að verða tveggja ára. Meira »

Allt að gerast á pósunámskeiði fyrir fitness

í fyrradag Um næstu helgi fer fram mótið Iceland Open og er stór hópur frá Íslandi að fara að taka þátt. Spennan var í hámarki á pósunámskeiði sem fram fór um helgina. Meira »

Hvíta jólatréð lifir enn góðu lífi

í fyrradag Hödd Vilhjálmsdóttir lögfræðingur og almannatengill á afmæli 21. desember og því eru jólin svolítið hennar tími þótt hún vilji ekki kannast við það að vera mesta jólabarn í heimi. Meira »

Friðrik Ómar býr í piparsveinahöll í 101

í fyrradag Söngvarinn Friðrik Ómar Hjörleifsson skildi fyrr á þessu ári eftir langa sambúð. Hann flutti í hjarta 101 og hefur komið sér vel fyrir. Meira »

Ógeðslega flottir búningar!

9.12. Kvikmyndin Suspiria er fagurfræðilega ein áhugaverðasta kvikmynd síns tíma. Efni þessarar greinar eru búningar kvikmyndarinnar sem munu án efa hafa mikil áhrif á tískuna á komandi misserum. Meira »

Stalst í snyrtivörur Victoriu

9.12. David Beckham viðurkennir í nýju viðtali að hann hafi lengi notað snyrtivörur eiginkonu sinnar. Nú notar hann skrúbba, maska og hinar ýmsu vörur og segir það ekki femnismál meðal karla lengur. Meira »

Mjúk jólateppi eru fullkomin jólagjöf

9.12. Þeir sem eru að leita að mjúkum hlýjum gjöfum fyrir jólin ættu að skoða ullarteppin í Rammagerðinni. Þau eru hönnuð af Védísi Jónsdóttur fyrir Rammagerðina í samstarfi við Ístex. Meira »

Ástæða unglegs útlits Söndru Bullock

9.12. Sandra Bullock virðist ekki eldast eins og aðrar konur. Bullock segir það vitleysu en hún eyðir mörgum klukkutímum á dag í förðunarstólnum til þess að líta vel út. Meira »

Þetta gerir sambúð ekki heillandi

9.12. Það er eitt að vera ástfangin og annað að búa með sínum heittelskaða. Hvað er það sem fær konur og menn til að hætta að pæla í sambúð? Meira »

Jólagjafir fyrir sérvitringinn

9.12. Öll þekkjum við einhvern sem er svolítið sér á parti. Þessa manneskju sem á allt eða hefur smekk fyrir öðruvísi hlutum. Það þarf ekki að vera svo erfitt að finna skemmtilegar gjafir fyrir þennan einstakling, enda er gríðarlegt úrval af skemmtilega öðruvísi hlutum hér á landi. Meira »

Fór í aðgerð og uppgötvaði nýja leið

9.12. Harpa Hauksdóttir hefur óþrjótandi áhuga á heilsu og góðum lífsstíl. Eftir að hafa þurft að fara í aðgerð á fæti og fengið skjótan bata með LPG-tækinu ákvað hún að kaupa Líkamslögun sem sérhæfir sig í húðmeðferðum með tækinu. Meira »

Nær honum ekki upp í „swingi“

8.12. „Kynlífið okkar er frábært og til þess að bæta salti við margarítuna okkar eins og við köllum það þá erum við byrjuð í sving.“ Meira »

Breytti draslherberginu í höll

8.12. Það kannast margir við að aukaherbergið á heimilinu endi eins og ruslakompa. Hönnuðurinn Dee Murphy tók sig til og gjörbreytti slíku herbergi á heimili sínu í gestaherbergi og er útkoman dásamleg. Meira »