Það er ekki hægt að búast við því að ástarsambönd séu auðveld en flest vandamál stór sem smá er hægt að leysa ef viljinn er fyrir hendi. Sambandssérfræðingurinn Tracey Cox vill þó meina í nýjum pistli sínum á vef Daily Mail að það sé ekki hægt að leysa öll vandamál.
Ef þessi vandamál eru í þínu sambandi hefur Cox litla trú á sambandinu.
Báðir aðilar lélegir í samskiptum
Ef báðir aðilar eru lélegir í samskiptum hafa þeir engan til þess að læra af í sambandinu. Það mikilvægasta í samböndum er að geta talað saman og hlustað og þegar það er ekki til staðar er lítil von.
Eru ekki á sömu skoðun með barneignir
Þetta gengur eiginlega aldrei upp, ef annar aðilinn vill barn eða börn en hinn ekki.
Kynhvötin allt öðruvísi
Það er ekki gott ef annar aðilinn hefur mikla kynhvöt en hinn ekki.
Einn heldur sífellt fram hjá
Það er ekki vænlegt þegar annar aðilinn sér ekkert að því að halda fram hjá og hinn aðilinn þolir það ekki.
Persónuleikar sem passa ekki saman
Cox telur fram þrjár mismunandi útgáfur af því hvernig fólk sýnir ást sína. Þessar persónugerðir eru annaðhvort traustar, kvíðnar eða reyna að forðast.
Bestar þykja traustu týpurnar en þær kvíðnu eru áhyggjufullar í sambandinu og sífellt í leit að einhverju sem fer úrskeiðis. Það fólk sem á það til að forðast maka sinn á erfitt með að opna sig.
Það veit ekki á gott þegar kvíðið fólk byrjar með fólki sem á það til að forðast. Best er þegar það eru tvær traustar og öruggar manneskjur. Það er líka mjög gott ef ein manneskja í sambandinu er traust og örugg.