Ef maki þinn sýnir foreldrum þínum ekki áhuga er hann líklegri til þess að halda fram hjá ef marka má framhjáhaldsvefinn fræga Ashley Madison. Vefurinn gerði könnun á 1.400 notendum sínum þar sem þetta kemur í ljós eins og Men's Health greinir frá.
Þó svo að margir kunni vel við tengdaforeldra sína voru meirihluti þeirra sem halda fram hjá, eða 61 prósent, sem sögðust ekki nánir tengdaforeldrum sínum.
Eru niðurstöðurnar sagðar sýna að þetta geti verið merki um áhugaleysi í hjónabandinu eða vilja til þess að vera í opnu sambandi.
75 prósent sögðust ekki hafa áhuga á að bæta samband sitt við tengdaforeldra sína og 85 prósent þeirra framhjáhaldara sem tóku þátt höfðu ekki áhyggjur af áliti tengdaforeldra sinna á sér.
Talsmaður Ashley Madison segir að notendur síðunnar einbeiti sér að því að halda framhjáhaldinu fyrir sig þess vegna vilji þeir skapa fjarlægð milli sín og tengdafjölskyldu sinnar. Þeir nýti frekar tímann til þess að tengja við fólk í sömu stöðu en á vefurinn hjálpar giftu fólki að halda fram hjá.