Ein ráðalaus með sinn fyrrverandi

Íslenskur karl er alltaf með vesen að sögn fyrrverandi konu ...
Íslenskur karl er alltaf með vesen að sögn fyrrverandi konu hans. mbl.is/Thinkstockphotos

Valdimar Þór Svavarsson, ráðgjafi hjá Fyrsta skrefinu, svarar spurningum lesenda Smartlands. Hér fær hann spurningu frá íslenskri konu sem er að gefast upp á barnsföður sínum. 

Hæ Valdimar,

Fyrrverandi maðurinn minn er alltaf að skipta um kærustur. Við eigum börn og eru þau viku og viku hjá okkur til skiptis. Sem er bara fínt nema hvað að hann er alltaf að biðja mig um að svissa vikunum og núna vill hann fara að breyta öllu í desember og ég er bara ekkert til í það. Ég veit að ef ég geri það ekki þá mun hann hegna mér fyrir það. Fá börnin upp á móti mér.

Ég er komin á þann stað að meika ekki neitt vesen og þess vegna læt ég orðið allt eftir honum. En núna er mælirinn fullur.

Kær kveðja, HG

 

Valdimar Þór Svavarsson, fyrirlesari og ráðgjafi hjá Fyrsta skrefinu.
Valdimar Þór Svavarsson, fyrirlesari og ráðgjafi hjá Fyrsta skrefinu.

 

Góðan daginn HG og takk fyrir þessa hugleiðingu.

Ég skil vel að þú upplifir gremju yfir ástandinu enda mjög vond staða að þurfa að haga lífi sínu eftir duttlungum annarra vegna ótta við þeirra viðbrögð. Þetta er ekki óalgengt þegar kemur að því að takast á við verkefnin í kjölfar skilnaða þar sem börn eru til staðar. Í raun er vandinn fyrst og fremst sá að aðili eða aðilar eru ekki að virða mörk sem sett eru. Í þessu tilviki eru mörkin varðandi umgengni, að börnin eiga að vera viku hjá þér og svo viku hjá þínum fyrrverandi og báðir aðilar eiga að virða þessi mörk.

Engar reglur eru í barnaverndarlögum um hve mikil umgengni á að vera. Samningar um umgengni eru oft og tíðum munnlegir en hægt er að gera skriflegan samning og fá hann staðfestan hjá sýslumanni. Þar með er kominn möguleiki til að fara í frekari aðgerðir ef samningurinn er ekki virtur. Í öllu falli ætti að hafa hag barnanna að leiðarljósi og óskandi væri að allir hefðu mjög skýra sýn hvað það varðar. Því er ekki alltaf til að dreifa og því koma upp mál þar sem verið er að nota börnin á einhvern hátt til þess að skapa spennu og ótta eins og þú ert að upplifa.

Hvað sem öðru líður þá þarft þú að vera við stjórn í þínu lífi. Það er mjög mikilvægt að setja skýr mörk í þessum málum og halda sig við þau. Þú getur ekki stjórnað því hvað maðurinn þinn fyrrverandi gerir og ef hann ákveður að gera eitthvað sem ekki getur talist gott fyrir börnin þá getur þú leitað leiða til að vernda þeirra hagsmuni í framhaldinu. Ef þú stendur ekki við mörkin sem þú setur, þá mun hann ekki virða þau. Það getur kostað talsverða árekstra þegar verið er að setja mörk en oftar en ekki lærir fólk að virða mörk annarra á endanum. Þegar mörk eru sett er mikilvægt að ræða þau af yfirvegun í upphafi, útskýra hver mörkin eru og af hverju þau eru sett. Þá kemur það síður á óvart þegar reynir á mörkin og þú þarft að halda þeim. Það er hans ábyrgð að leysa þann tíma sem hann á að vera með börnin. Það getur hann gert með því að sýna því virðingu og vera til staðar þegar þau eru hjá honum og ef það koma upp sérstakar ástæður þá þarf hann einfaldlega að leita til aðila sem standa honum nærri og hægt er að treysta fyrir börnunum tímabundið á meðan hann þarf að sinna sínu, það er hluti af lífinu. Þetta eru oftast nánir ættingjar eða barnapíur sem geta hugsað vel um börnin. Aðalatriðið er að þú vitir að hverju þú gengur svo þú getir sjálf skipulagt þitt líf. Eins og áður sagði getur þú ekki stjórnað því hvað þinn fyrrverandi gerir eða hvort hann fari niður á það plan að reyna að fá börnin upp á móti þér. Með því að vera til staðar fyrir börnin þín og sinna þeim á kærleiksríkan hátt þegar þau eru hjá þér geta þau sjálf metið það hvað er rétt og rangt ef á það reynir.

Gangi þér allt í haginn.

Með bestu kveðju,

Valdimar Þór Svavarsson ráðgjafi. 

Liggur þér eitthvað á hjarta? Þú getur sent Valdimari Þór spurningu HÉR. 

mbl.is

Misstum allt, en hann heldur áfram

20:00 „Mig langar að forvitnast varðandi manninn minn, en í hruninu misstum við allt. Þá hafði hann verið að fjárfesta í alls konar verkefnum, hlutabréfum og gjaldeyri. Vandinn var sá þá að þetta var allt meira og minna fjármagnað með skuldum,“ segir íslensk kona. Meira »

Formaðurinn lét sérsauma á sig kjól

16:36 Guðrún Hafsteinsdóttir fékk Selmu Ragnarsdóttur til að sérsauma á sig kjól fyrir árshóf SI í Hörpu. Voru þær strax sammála um að hafa kjólinn ekki svartan. Meira »

Endurbættri útgáfu af hrukkubana fagnað

13:58 Dr. Björn Örvar, einn af stofendum Bioeffect, kynnti nýja tvennu fyrir fáum útvöldum í gær. Um er að ræða Bioeffect EGF+ 2A Daily duo sem eru húðdropar sem vinna saman. Meira »

Er bótox hættulegt?

10:30 Jenna Huld Eysteinsdóttir, húðlæknir hjá Húðlæknastöðinni, svarar spurningum lesenda Smartlands. Hér svarar hún tveimur spurningum um fínar línur og bótox. Meira »

„Fyrrverandi vill hafa mig sem vin“

05:00 Svo er önnur spurning: Þessi vinasvæði, er sanngjarnt eftir að hlutum hefur verið startað með rómantík að setja svo upp vinasamband til að velja úr öðrum hlutum? Að ég sitji svo einn heima á kvöldin og horfi á Netflix, þegar okkar stundum er lokið og hún að njóta þess sem ekki síst á að vera með í góðu sambandi með öðrum. Meira »

Heimilið er afar litríkt og heillandi

Í gær, 23:28 Borðstofa Selmu Blair er eins og kaffitería en innanhúshönnuður hennar sótti innblástur í gamlan heimavistarskóla sem leikkonan var í. Meira »

Einbýlin sem kosta yfir 160 milljónir

í gær Dýrustu einbýlishúsin á höfuðborgarsvæðinu eru bæði ný og gömul, staðsett á Nesinu sem og í Kópavogi.   Meira »

Kristbjörg tárast yfir flutningunum til Katar

í gær Kristbjörg Jónasdóttir, einkaþjálfari og eiginkona Arons Einars Gunnarssonar, er hrærð yfir því að fjölskyldan sé að flytja frá Cardiff til Katar. Meira »

Svona færðu besta verðið fyrir eignina þína

í gær Fasteignasalinn Páll Heiðar Pálsson segir að það skipti miklu máli að verðleggja sig ekki út af markaðnum og ákveðnir þættir þurfi að vera í lagi. Hann segir að það séu margir þættir sem hafi áhrif á söluverð fasteigna. Meira »

Hvort á ég að velja SPF 50 eða 30?

í gær „Ég er að fara til Marokkó þar sem sólin er sterk. Er sólarvörn með SPF-þætti 50 betri en sólarvörn með SPF-þætti 30? Eða skiptir það engu máli?“ Meira »

Heilbrigðari án skorinna magavöðva

í gær Skornir magavöðvar til marks um hamingju og heilbrigði. Þjálfarinn Marie Wold var aðallega svöng þegar hún fékk loksins „six-pack“. Meira »

Selma frumsýndi kærastann í kvöld

19.3. Selma Björnsdóttir er komin á fast en fyrr í kvöld frumsýndi hún kærastann á Instagram. Hann heitir Kolbeinn Tumi Daðason og er fréttastjóri á Vísi.is. Meira »

„Mamma er heltekin af útlitinu“

19.3. Þannig er að ég á mömmu sem á erfitt með að sætta sig við aldurinn. Ég bý enn þá heima. Hún og pabbi eru nýskilin og mamma hefur brugðist við með endalausri líkamsrækt. Hún er heltekin af eigin líkamsþyngd, stelur fötunum mínum og snyrtivörunum og skiptir sér í tíma og ótíma af því hvernig ég lít út. Meira »

Frumsýning á Matthildi

19.3. Söngleikurinn Matthildur var frumsýndur í Borgarleikhúsinu á laugardaginn og var mikil gleði í húsinu.   Meira »

Ragnar á Brandenburg selur glæsiíbúðina

19.3. Ragnar Gunnarsson, einn af eigendum Brandenburg-auglýsingastofunnar, hefur sett íbúð sína við Grandaveg á sölu.   Meira »

Dreymir um kúrekastígvél fyrir vorið

19.3. „Mig dreymir um kúrekastígvél og hélt svo innilega að ég myndi ekki segja þetta alveg strax, finnst svo stutt síðan að sú tíska var síðast en það sýnir að tískan fer hratt í hringi. Ég átti ein frá GS skóm á sínum tíma en seldi þau því miður á fatamarkaði fyrir ekki svo löngu.“ Meira »

Finnur til eftir samfarir - hvað er til ráða?

19.3. „Ég er búin að vera i sambandi í 2 ár og mjög oft fengið sveppasýkingu/þvagfærasýkingu. Veit ekki alveg muninn, en hef fengið þetta svona 10-15 sinnum og oft slæmt degi eftir samfarir.“ Meira »

Veganvænir hárlitir sem endurlífga hárið

19.3. Lilja Ósk Sigurðardóttir er hrifin af öllu sem er vegan og þess vegna varð hún að prófa ný hárskol frá Davines því þau eru ammóníaklaus. Meira »

Fetaði óvart í fótspor Sigmundar Davíðs

18.3. Þingkona í Bandaríkjunum tók upp á því á dögunum að mæta í ósamstæðum skóm í vinnuna. Hún er ekki eini stjórnmálamaðurinn sem hefur tekið upp á því. Meira »

Birgitta mætti með nýja hundinn sinn

18.3. Það var margt um manninn á viðburði í verslun 66°Norður á Laugavegi á föstudaginn þar sem því var fagnað að sumarlína 66°Norður og danska kvenfatamerkisins Ganni er komin í sölu. Meira »

Lúðvík og Þóra selja höll við sjóinn

18.3. Lúðvík Bergvinsson og Þóra Gunnarsdóttir hafa sett falleg hús sem stendur við sjóinn á sölu. Fasteignamat hússins er rúmlega 121 milljón. Meira »