Hversu oft stundar gift fólk kynlíf?

Það er ekkert rétt eða rangt þegar kemur að því hversu oft á að stunda kynlíf. Í grein sem birtist á Smartlandi í nóvember var vitnað í rannsókn frá ár­inu 2015 sem sýndi að fólk á aldr­in­um 26 til 55 ára stundaði að meðaltali kyn­líf einu sinni í viku. Cosmopolitan tók saman játningar fólks á Reddit sem sýnir hversu mismunandi oft er oft hjá giftu fólki. 

Frétt af mbl.is

Hversu oft á að stunda kynlíf?

Hjón sem höfðu verið gift í átta ár stundaði að meðaltali kynlíf einu sinni um helgar og um það bil tvisvar á virkum dögum. Það fór þó eftir því hversu þreytt það var og sumar vikur var ekkert kynlíf á dagskrá. 

Eiginmaður sem er 27 ára og á þrjú börn með 31 árs gamalli eiginkonu sinni sagðist stunda kynlíf á hverjum degi. Ef mikið er að gera sagði hann þau gera það annan hvern dag, rifjar hann sérstaklega upp þegar 13 dagar liðu á milli kynlífsathafna hjá þeim. 

Eftir fimm ára hjónaband og engin börn stunda hjón kynlíf fjórum sinnum í viku. 

Eftir eins árs hjónaband stunda hjón kynlíf tvisvar í mánuði. 

Einn netverji fór vel yfir árin í barnslausu hjónabandi. Á fyrsta árinu stunduðu þau kynlíf átta sinnum í viku. Á öðru ári fimm sinnum í viku. Þriðja árinu þrisvar í viku. Á fjórða árinu einu sinni í mánuði og nú á sjötta árinu tvisvar í mánuði. 

mbl.is/Thinkstockphotos

Eftir sex ára hjónband, tvö börn og það þriðja á leiðinni sagðist eiginmaður stunda kynlíf þrisvar til fjórum sinnum í viku ef kona hans væri ekki ólétt. Á meðan hún væri ólétt stunduðu þau kynlíf einu sinni til tvisvar í viku. 

Einu sinni í viku var svar netverja sem hafði verið giftur í fimm ár og búið með maka sínum í fjögur ár þar áður. 

Eiginmaður sem hefur verið kvæntur konu sinni í fimm ár og á von á sínu fyrsta barni segist stunda kynlíf með eiginkonu sinni þrisvar til fimm sinnum í viku að meðaltali. Meðan á meðgöngunni stendur hefur það breyst mikið og sumar vikurnar stunda þau ekkert kynlíf en aðrar vikur tvisvar til fimm sinnum á dag. 

Gift foreldri kennir meðgöngum og börnum um að lítið sé að frétta í svefnherberginu. Stunda foreldrarnir sem hafa verið gift í þrjú og hálft ár kynlíf fjórum til fimm sinnum á ári. 

Eiginmaður sem hefur verið kvæntur í 13 ár segist hafa stundað kynlíf með konu sinni einu sinni til tvisvar á dag svo lengi sem hann man. 

mbl.is/Thinkstockphotos

Eftir sjö ára hjónaband og tvíbura er kynlíf á dagskrá í einu hjónabandi einu sinni til tvisvar í viku. 

Giftur netverji játar að vera ekki alltaf í stuði fyrir kynlíf en segir það lagast um leið og kynlífið byrjar. Segir hann hjónin stunda kynlíf næstum því á hverjum degi. 

Hjón sem hafa verið saman í átta ár og eiga eitt barn stunda kynlíf einu sinni á tveggja mánaða fresti. 

Eftir þriggja ára hjónaband og tvö börn segist netverji ekki hafa neina kynlífslöngun vegna svefnvandamála og hormónabreytinga. Stundum stunda hjónin kynlíf einu sinni í mánuði og aðra daga nokkrum sinnum í viku. 

Netverji sem hefur verið giftur í tvö og hálft ár stundar kynlíf næstum því á hverjum degi og stundum tvisvar á dag um helgar með maka sínum. 

• Blogga um frétt