Sér ekki eftir kynlífinu með stjúpsystur sinni

„Stjúpsystir mín og ég stunduðum yndislegt kynlíf undir áhrifum. Ég vil halda áfram en henni finnst það vera rangt sem við gerðum. Pabbi hennar kvæntist móður minni á síðasta ári. Þau eru bæði sextug og hittust í fríi á Spáni fyrir tveimur árum. Ég hitti stjúpsystur mína í fyrsta sinn í brúðkaupinu. Ég leiddi móður mína upp að altarinu og nýja stjúpsystir mín hélt ræðu þar sem hún bauð móður mína velkomna í fjölskylduna sína. Okkur kom vel saman þetta kvöld og við töluðum saman og dönsuðum. Það var eins og ég hefði þekkt hana allt mitt líf,“ skrifaði 28 ára gamall einhleypur maður og leitaði ráða hjá Deidre, ráðgjafa The Sun, varðandi sambandið við stjúpsystur sína.

„Ég þurfti að vinna á stað langt í burtu þar sem stjúpsystir mín býr. Ég hélt að ég þyrfti að búa á hóteli í marga mánuði en þegar móðir mín minntist á nýja vinnustaðinn bauð stjúpsystir mín mér aukaherbergi hjá sér. Hún eldaði meira segja fyrir mig. Það var frábært. Hún er 35 ára og mjög heit. Hún fór út að skemmta sér fyrsta föstudagskvöldið með vinum sínum og bauð mér með. Við fengum okkur nokkra drykki, keyptum kebab og fórum heim að horfa á sjónvarpið. Hún bað mig að hjálpa sér með stígvélin sín sem voru þröng en þá datt ég á hana og hún endaði á því að kyssa mig. Við gleymdum okkur. Við flissuðum þegar ég náði loksins stígvélinu af með öllu öðru og stunduðum kynlíf á sófanum. 

Það var allt mjög vandræðalegt daginn eftir. Við töluðum um það sem gerðist og hún sagðist vera með svo mikið samviskubit vegna fjölskyldunnar en hún hefði notið kvöldsins. Ég finn ekki fyrir sektarkennd. Ég myndi vilja halda áfram en hún kemst ekki yfir áhyggjurnar af fjölskyldu okkar.“

Ráðgjafinn segir að það sé ekki óalgengt að stjúpsystkini verði ástfangin. Þau séu ekki blóðskyld og séu ekki að gera neitt rangt. 

„Það sem ykkur finnst aðlaðandi hvoru við annað gætu verið sömu atriði og drógu foreldra ykkar saman. Hún gæti hafa misskilið hvernig foreldrum ykkar myndi líða, kannski yrðu þau himinlifandi með að þið hafið fundið hvort annað, en það er of snemmt að segja. Þar sem þið búið saman, þótt það sé tímabundið, gæti henni fundist þetta allt of mikið.

Stilltu væntingum þínum í hóf. Ekki þvinga fram aðstæðurnar, farðu frekar til baka og vertu fyrirmyndarleigjandi og gefðu henni tíma til að hugsa um það sem gerðist. Eftir viku eða svo skaltu bjóða henni út að borða til þess að þakka fyrir herbergið. Þá hafi þið óskipta athygli hvort annars og getið komist að því hvað ykkur finnst hvoru um annað.“ 

Stjúpsystkinin búa saman. mbl.is/Thinkstockphotos

• Blogga um frétt