Game of Thrones hefur sjaldan verið vinsælla en akkúrat núna en síðasti þátturinn fór í loftið fyrir stuttu. Hægt er að tengja Game of Thrones við ýmislegt en samkvæmt könnun frá árinu 2017 sem Men's Health greinir frá voru aðdáendur söguheimsins heppnari í rúminu en annað fólk.
Könnunin var gerð á vegum stefnumótasíðunnar Match.com. Kom þar í ljós að aðdáendur Krúnuleikanna væru 61 prósent líklegri til að stunda kynlíf en aðrir og 81 prósent líklegri til að komast á stefnumót.
Nú er bara spurning hvort þessi tölfræði eigi enn við og ekki bara í Bandaríkjunum! Nú er að minnsta kosti tíminn til þess að vera aðdáandi Game of Thrones og ekki verra ef áhuginn nýtist í ástalífinu.