Beyoncé og Jay-Z eru kannski enn saman þrátt fyrir ótrúnað rapparans en það eru ekki öll sambönd í Hollywood sem standast álagið sem fylgir framhjáhaldi. Framhjáhöldin eru fjölmörg en sumir skandalar hafa verið stærri en aðrir eins og kemur fram á vef Cosmopolitan.
Gwen Stefani og Gavin Rossdale
Söngkonan Gwen Stefani komst að því að eiginmaður hennar til þrettán ára, Gavin Rossdale, hafði haldið fram hjá með barnfóstrunni. Hún var fljót að sparka honum og er nú hamingjusöm með tónlistarmanninum Blake Shelton.
Ben Affleck og Jennifer Garner
Framhjáhald við barnfóstruna var líka upp á teningnum í tilviki leikarahjónanna Ben Affleck og Jennifer Garner. Garner sagði þó eftir að skandallinn komst í fréttir að hann hefði átt sér stað eftir að þau voru hætt að búa saman. Vildi hún meina að atvikið með barnfóstruna hefði ekki átt neinn þátt í því að þau ákváðu að skilja.
Jude Law og Sienna Miller
Leikarinn Jude Law viðurkenndi að hafa sofið hjá barnfóstrunni þegar hann var trúlofaður leikkonunni Siennu Miller árið 2005.
Kristen Stewart og Robert Pattinsson
Twilight-stjörnurnar Kristen Stewart og Robert Pattinsson hættu saman eftir að sást til Stewart kyssa leikstjóra sinn Rubert Sanders árið 2012.
Ashton Kutcher og Demi Moore
Leikarahjónin fyrrverandi Ashton Kutcher og Demi Moore voru eitt sinn aðalparið í Hollywood en aldursmunurinn vakti mikla athygli. Árið 2015 greindi þó leikarinn Scott Eastwood frá því að Kutcher hefði haldið fram hjá Moore í heita potti með tveimur stúlkum. Hvernig vissi Eastwood það? Jú, önnur konan var kærasta hans á þeim tíma.
Arnold Schwarzenegger og Maria Shriver
Eftir meira en 25 ára langt hjónaband kom í ljós að vöðvatröllið hefði átt í sambandi við húshjálpina og eignast með henni barn.
Sandra Bullock og Jesse James
Leikkonan og mótorhjólastjarnan skildu eftir að hann hélt fram hjá með nektardansmey.
Tiger Woods og Elin Nordegren
Bílslys kom upp um framhjáhald golfarans fræga en eiginkona hans komst þó að því að konurnar voru töluvert fleiri en ein.