Kynlífssérfræðingurinn Tracey Cox hefur talað við margt fólk um hvað virkar og hvað virkar ekki í kynlífi og ástarsamböndum. Cox deildi á dögunum bestu ráðunum sem hún hefur fengið frá venjulegu fólki sem stundar kynlíf á vef Daily Mail. Hér má finna bestu ráðin sem Cox hefur fengið frá karlmönnum.
Ert þú með þetta á hreinu í bólinu eða ert þú kannski að missa af frábærum ráðum sem gera kynlífið betra?
Góð munnmök
Cox mælir með ráði frá manni sem dó ekki ráðalaus þegar hann veitti konu munnmök. Mælti hann með því þegar konum eru veitt munnmök að hreyfa höfuðið til hliðar og upp og niður í stað þess hreyfa tunguna sjálfa. Einnig er hægt að sleppa því að hreyfa tunguna og fá konuna til að hreyfa sig.
Gagnrýni
Einn kærasti leit svo á að þegar kærastan bað um meira af einhverju eða minna væri hún að gagnrýna hann. Í dag veit hann að hún var bara að leiðbeina honum til þess að gera kynlífið betra.
Maki með svipaða kynhvöt
Ef þú vilt ekki þurfa að rífast um kynlíf er gott að velja sér maka með kynhvöt á svipuðu róli og þú. Þetta góða frá karlmanni þykir Cox algjör snilld.
Augnsamband í munnmökum
Einn maður segir að lykillinn að frábærum munnmökum sé augnsamband. Cox virðist sammála því að fólk horfi í augun á mönnum þegar það veitir þeim munnmök.
Ekki vera annars hugar
Núvitund skiptir miklu máli í kynlífi. Einn maður segir það ekki fara fram hjá honum þegar einhver sem hann er að sofa hjá er að hugsa um eitthvað allt annað.
Kynlífsleikföng
Kynlífssérfræðingurinn mælti með ráði sem snýr að kynlífsleikföngum, titrurum nánar tiltekið. Einn maður tók það skýrt fram að titrarar ógna karlmönnum ekki. Segist hann elska að horfa á kærustuna nota titrara.
Mjaðmahringir
Í stað þess að fara inn og út hreyfir einn ágætur maður mjaðmirnar í hringi. Segir hann konur vera hrifnar af þessari hreyfingu. Finnst honum líklegt að hann nái örva snípinn betur á þennan hátt. Cox sér greinilega ástæðu til þess að mæla með þessu ráði sem maðurinn segir að sýni konum að hann sé líka að hugsa um fullnægingu þeirra.
Læsa hurðinni
Einn karlmaður mælir með því að foreldrar læsi hurðinni þegar þeir stunda kynlíf. Er það fyrst og fremst barnanna vegna en hann heldur því fram að ekkert barn vilji sjá foreldra sína stunda kynlíf.
Skapandi notkun á kynlífsleikföngum
Einn maður mælir með að hugsa út fyrir kassann þegar kemur að hjálpartækjum ástarlífsins. Mælir hann til dæmis með því að fólk haldi titrara upp við kinnina meðan á munnmökum stendur.
Eldmóður
Ef þú heldur að það skipti öllu máli að vera með góða bóltækni ertu á villigötum. Að minnsta kosti mælir Cox með ráði frá manni sem segir að það að vera fullur af ákafa skipti meira en að vera góður í bólinu. Hann segir að flestir menn séu ánægðir ef bólfélagar þeirra njóta sín.
Spegill
Einn maður mælir sérstaklega með því að vera í hundastellingunni fyrir framan spegil. Þannig geti fólk horft á allt sem er í gangi og horfst í augu þegar og ef það fær fullnægingu.