Ef þú hefur einhvern tímann hætt með manneskju eða fylgst með sambandsslitum í gegnum náinn vin eða ættingja veistu að það getur tekið langan tíma að hætta í sambandi. Í mörgum tilfellum eru sambandsslitin búin að liggja í loftinu lengi. 

Í niðurstöðum rannsóknarteymis við háskólann í Utah kemur fram að þrjár algengustu ástæðurnar fyrir að fólk ákveður að hætta saman eru persónuleiki makans, brot á trausti eða að hin manneskjan hafi fjarlægst.

Þessar niðurstöður áttu bæði við þau pör sem voru bara í sambandi og hjón. Í rannsókninni var skoðað af hverju fólk ákveður að hætta saman og af hverju það ákveður að vera saman. 

Þegar niðurstaðan var að pör eða hjón ætluðu að halda sambandi sínu eða hjónabandi áfram voru svörin ekki eins á milli hópa. 

Pör sem höfðu verið í sambandi að meðaltali í tvö ár og ákváðu að vera saman töldu upp rómantískar ástæður eins og tilfinningalega nánd og persónuleika makans. Þau sem voru gift og ákváðu að vera saman sögðu að fjárfestingar, ábyrgðarskylda gagnvart fjölskyldunni og hræðsla við óvissu væru helstu ástæðurnar.

Miley Cyrus og Liam Hemsworth eru nýhætt saman eftir 10 ára samband. AFP

Tengdar fréttir

Í sitthvora áttina

Þjáðist í hljóði á eigin heimili

• Steven og Heiður Ósk selja eftir sambandsslit
• Þessi fóru hvort í sína áttina 2023
• Kynfræðingurinn Indíana Rós er einhleyp
• Árni og Inga Lind flutt í sundur

» Fleiri tengdar fréttir

• Blogga um frétt