Hin 28 ára gamla Jade Savage í Bretlandi ferðaðist í þrjá tíma til að fara á stefnumót með manni sem hún kynntist á stefnumótaforritinu Tinder. Þegar á áfangastað var komið sagði maðurinn að hún hefði bætt á sig, væri feit, og labbaði í burtu. 

Savage hefur komið af stað söfnun til að safna fyrir ferðinni sem kostaði hana 93 pund eða rúmlega 14 þúsund íslenskar krónur. Hún þurfti að taka leigubíl á lestarstöðina í Leicester, taka lestina svo til Syston þar sem hún hitti manninn. Síðan þurfti hún að ferðast alla leiðina til baka. Savage hafði áður farið á nokkur stefnumót með manninum. 

„Hann sagði „fjandinn hafi það, þú hefur bætt á þig er það ekki?“ og ég bara „nei þú getur ekki sagt það“. Það var skýrt að hann vildi hætta með mér en ég vonaðist til að við gætum samt skemmt okkur svo við fórum í bílinn hans. En þá sagði hann: „Ég get sagt það, það er staðreynd. Þú hefur bætt á þig og þar með má ég grínast með það,““ sagði Savage í viðtali við The Sun.

Hún segist þó sjá broslegu hliðina á þessu núna og fór með söfnunina af stað í gríni. Hún hefur hins vegar fengið helminginn af útgjöldunum til baka. 

Savage safnar nú til að rétta fjárhaginn við eftir stefnumótið misheppnaða.

Tengdar fréttir

Stefnumótasögur

Sendi hressum konum á Héraði skeyti

• Tinder-deitið lifði tvöföldu lífi
• Bað pabba sinn að borga fyrir Tinder-stefnumót
• Reyndi að heilla með pastagerð á Tinder
• Lækkaði aldur sinn á Tinder og fékk fleiri „mötch“

» Fleiri tengdar fréttir

• Blogga um frétt