Leikkonan Demi Moore hefur haldið sér utan sviðsljóssins að undanförnu og nýtt tímann til að rita sjálfsævisögu sína. Í bókinni Inside Out, sem nýverið kom út, fjallar Moore á einlægan og opinskáan hátt um æsku sína, áföll, ástina og leiklistina svo dæmi séu tekin.
Moore hefur haft orð á því að í raun sé saga hennar leiðin sem hún fann til að gefast upp í eigin mætti og biðja um aðstoð. Þetta kemur fram á vef Thrive.
„Þetta er mín saga og hún á ekki heima á síðum slúðurblaða. Sagan mín er ekki saga mömmu minnar. Hún er ekki saga eiginmanna minna eða þeirra sem horfa á kvikmyndirnar mínar. Þetta er jafnvel ekki saga barna minna.
Þetta er mín saga. Enda er ég sú eina sem hef verið viðstödd í mínu lífi frá upphafi. Af þessum sökum hef ég gefið sjálfri mér réttinn á að segja söguna mína á mínum forsendum. En ekki annarra.“
Moore segir lykilinn að lífshamingjunni vera æðruleysi.
„Ég reyni að dæma ekki það sem ég sé og reyni að fyrirgefa mér og öðrum í lífinu. Þetta er eina leiðin fyrir mig að elska mig án skilyrða og annað fólk einnig. Það færir mér mikla hamingju í lífinu, auðmýkt og jákvæðni.“
Þegar kemur að besta ráðinu segir Moore:
„Þú ert besta þú sem völ er á. Enginn er betri þú en þú ert. Svo ekki reyna að vera minni einhver annar. Vertu þú!“