Heldur fram hjá með systur unnustu sinnar

Maðurinn heldur fram hjá með systur unnustu sinnar.
Maðurinn heldur fram hjá með systur unnustu sinnar. mbl.is/Thinkstockphotos

„Ég stunda kynlíf í hvert einasta skipti sem ég get með litlu systur unnustu minnar. Ég stenst hana ekki en ég elska unnustu mína. Ég og unnusta mín höfum verið saman síðan í háskóla. Ég er grafískur hönnuður og hún starfar í banka. Ég er 23 en hún er 24 ára. Við keyptum okkur nýlega íbúð saman og í eitt eða tvö ár höfum verið að tala um að stofna fjölskyldu. Allt leit vel út þangað til ég bað hennar,“ skrifaði ungur unnusti og leitaði ráða hjá Deidre, ráðgjafa The Sun. 

„Unnusta mín var himinlifandi og skipulagði trúlofunarveislu. Við skemmtum okkur vel með fjölskyldu og vinum en rétt eftir miðnætti fór unnusta mín að sofa. Allir fóru heim en ég og systir hennar tókum til. Hún er gullfalleg 19 ára gömul háskólastelpa. Við byrjuðum að tala saman um kvöldið og um brúðkaupið þegar hún varpaði sprengju og sagði: „Mig hefur alltaf langað til að prófa þig.“ Ég var í áfalli en upp með mér. Ég sneri mér að henni og sagði: „Ertu virkilega að meina þetta?“ Hún kinkaði kolli og faðmaði mig. Við drukkum aðeins meira og stunduðum sjóðandi heitt kynlíf í stofunni. Unnusta mín fór út daginn eftir og þegar systir hennar kom út úr aukaherberginu stóðst ég ekki mátið og stundaði kynlíf með henni aftur. Við sögðum bæði að við hefðum ekki átt að gera þetta en viðurkenndum þó hversu frábært þetta var. Viku eftir þetta fór unnusta mín í vinnuferð. Fyrsta kvöldið ætlaði ég að horfa á sjónvarpið en systir hennar mætti með vínflösku. Ég bauð henni inn og það óumflýjanlega gerðist. Við stundum núna kynlíf hvenær sem við getum og ég er að falla fyrir henni. Ég veit að ég ætti að enda framhjáhaldið en ég girnist hana svo mikið. Ég hef pælt í að hætta með unnustu minni en ég vil ekki missa hana.“

Maðurinn heldur að hann sé að falla fyrir mágkonu sinni.
Maðurinn heldur að hann sé að falla fyrir mágkonu sinni. mbl.is/Thinkstockphotos

Ráðgjafinn segir manninum að hann sé á hættulegri braut og hann viti það vel. Það að segja unnustunni sannleikann myndi auk þess gera út af við hana og skapa leiðindi í fjölskyldu hennar. 

„Það er ekki ólíklegt að það séu líkindi með unnustu þinni og systur hennar sem gæti verið ástæðan fyrir því að þú heillast að þeim báðum. En þú getur ekki fengið þær báðar. Vertu ákveðinn og segðu systurinni að ástarsambandinu sé lokið, að minnsta kosti á meðan þú leysir vandann í núverandi sambandi. Þú ættir alls ekki að kvænast nema þú sér 100 prósent viss um að þú elskir kærustu sína. Miðað við hvernig þetta hljómar getur þú ekki verið viss. Ef sambandinu lýkur þarftu að bíða lengi áður en þú sýnir heiminum að systir hennar sé sú rétta. Ég velti því þó fyrir mér hversu mikið af þessu er systkinarígur af hennar hálfu, hún að hefna sín á stóru systur sinni.“

mbl.is