Sævar Þór Jónsson lögmaður svarar spurningum lesenda Smartlands. Hér er hann spurður út í forkaupsrétt á íbúð. 

Sæll Sævar. 

Varðandi forkaupsrétt. Hvaða lög gilda um forkaupsrétt á íbúð?

Dæmi:

Hús byggt sem tveggja hæða einbýlishús og notað sem slíkt mörg ár. Síðan kaupir einhver húsið og breytir því í 2 íbúðir, sem hann selur sína í hvoru lagi.

Á annar hvor eigandinn þá forkaupsrétt að þeirri íbúð sem hann á ekki?

Kveðja, Jónína

Sævar Þór Jónsson lögmaður/MBA rekur lögmannsstofuna Sævar Þór & Partners.

Sæl,

Forkaupsréttur felur í sér rétt aðila til þess, með vissum skilyrðum, að kaupa eign, ef eigandi hennar ákveður að selja. Forkaupsréttur er einstaka sinnum lögbundinn og má sem dæmi um slík tilvik nefna 27. gr. jarðalaga nr. 81/2004. Í öðrum tilvikum er forkaupsréttur samningsbundinn eða ákvarðaður einhliða af eiganda fasteignar. Þannig má ætla í því dæmi sem þú nefnir að enginn forkaupsréttur sé fyrir hendi nema um slíkt hafi verið sérstaklega samið eða ákveðið af þáverandi eiganda.

Kveðja,

Sævar Þór Jónsson, lögmaður/MBA. 

Liggur þér eitthvað á hjarta? Þú getur sent Sævari spurningu HÉR. 

Tengdar fréttir

Spurðu lögmanninn

Skerðist ellilífeyrir ef húsið er selt og minni íbúð keypt?

• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?
• Skerðast tekjur hjá eldri borgurum við sölu á sumarhúsi?

» Fleiri tengdar fréttir

• Blogga um frétt