Sævar Þór Jónsson lögmaður/MBA svarar spurningum lesenda Smartlands. Hér fær hann spurningu frá manni sem vill gera dóttur sína arflausa. 

Sæll,

ég bý á Spáni núna, þrjár ástæður þess að ég flutti. Ein þeirra er að ég er að forðast elstu dóttur mína sem er ekki heil heilsu. Elsta dóttir hennar flúði til Köben vegna hennar. Nú þarf ég að gera erfðaskrá á Spáni, dóttir mín tók mig af lífi í beinni á Stöð 2 og fleira, en hún laug en er mjög veik. Ég hef fyrirgefið henni, en vil taka hana út af erfðaskrá, hvað er til ráða?

Kær kveðja,

xxxxx

Sævar Þór Jónsson rekur lögmannsstofuna Sævar Þór & Partners.

Sæl/Sæll xxxxx

Ég get ekki sagt til um þær reglur sem gilda um gerð erfðaskrár á Spáni. Hér á Íslandi gildir sú fortakslausa regla að foreldri getur ekki gert barn sitt arflaust, skv. 35. gr. erfðalaga. Barn getur þó tapað erfðarétti sínum, skv. 23. gr. erfðalaga, ef það fremur tiltekin brot af ásetningi á hendur foreldri, s.s. beitir foreldrið ofbeldi, heitist við það eða hótar því óförum, meiði æru þess eða gerist sekt um aðrar stórfelldar mótgerðir svo refsivert sé. Svipting erfðaréttar samkvæmt ákvæðinu fer fram með dómi og er þá krafa þess efnis höfð að jafnaði uppi í sakamáli þar sem ákært er fyrir þau brot sem viðkomandi erfingi hefur framið gegn arfláta.

Kær kveðja, 

Sævar Þór Jónsson lögmaður/MBA

Liggur þér eitthvað á hjarta? Þú getur sent Sævari Þór spurningu HÉR. 

Tengdar fréttir

Spurðu lögmanninn

Skerðist ellilífeyrir ef húsið er selt og minni íbúð keypt?

• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?
• Skerðast tekjur hjá eldri borgurum við sölu á sumarhúsi?

» Fleiri tengdar fréttir

• Blogga um frétt