Stjörnur sem leita að ástinni á netinu

Stjörnurnar Mandy Moore, Ricky Martin og Sarah Hyland fundu ástina …
Stjörnurnar Mandy Moore, Ricky Martin og Sarah Hyland fundu ástina í gegnum netið. Samsett mynd

Ástin er ekki bara á pöbbnum, nú er tíminn til þess að færa leitina á netið. Margar stjörnur hafa gert heiðarlega tilraun til þess að finna ástina á netinu, á samfélagsmiðlum eða með hjálp stefnumótaforrita. Sumar hafa gengið í hjónaband og eignast börn eftir að ástin dúkkaði upp á netinu.  

Mandy Moore

Leik- og söngkonan kynntist eiginmanni sínum, Taylor Goldsmith, á Instagram. Hún birti mynd af plötu Goldsmiths og hljómsveit hans og í kjölfarið sendi hann henni skilaboð. 

Mandy Moore fann ástina á netinu.
Mandy Moore fann ástina á netinu. AFP

Sarah Hyland

Modern Family-stjarnan kynntist unnusta sínum, Bachelorette-stjörnunni Wells Adams, á netinu. Þau byrjuðu að daðra í netheimum áður en þau hittust í raunheimum. 

Sarah Hyland.
Sarah Hyland. AFP

Lizzo

Söngkonan prófaði stefnumótaforritið Raya. Hún segist hafa reynt að máta sig við tónlistarmanninn John Mayer en hann sýndi engan áhuga. 

Lizzo.
Lizzo. AFP

Rebel Wilson

Leikkonan greindi eitt sinn frá því að hún notaði mikið stefnumótaforritið Raya. Hún er ekki á því þegar hún er að hitta einhvern en inn á milli notar hún það. Ekki fylgdi sögunni hvort hún hefði dottið í lukkupottinn með hjálp forritsins. Hún mælir með stefnumótaforriti. 

Grínleikkonan Rebel Wilson.
Grínleikkonan Rebel Wilson. AFP

Ricky Martin

Tónlistarmaðurinn Ricky Martin kynntist eiginmanni sínum Jwan Yosef í gegnum Instagram. 

Ricky Martin.
Ricky Martin. AFP

Sharon Stone

Leikkonan notaði stefnumótaforritið Bumble. Hún hefur lítið tjáð sig um hversu vel henni gekk í ástalífinu en henni gekk í fyrstu illa að nota stefnumótaforritið þar sem margir héldu að aðgangur hennar væri plat. Að lokum fór svo að Bumble eyddi aðgangi hennar. Hún fékk seinna afsökun frá fyrirtækinu og gat haldið áfram að leita að ástinni. 

Sharon Stone.
Sharon Stone. AFP

Laverne Cox

Leikkonan kynntist ónefndum fyrrverandi kærasta á Tinder. Þegar þau hættu saman fór hún aftur á Tinder enda kunni hún vel við forritið. 

Laverne Cox.
Laverne Cox. AFP
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál