Kynlíf með ókunnugum á tímum kórónuveiru

„Ég nýt þess að stunda kynlíf með ókunnugum og þrátt fyrir að það sé ekki auðvelt að vera öruggur held ég því fram að ég geti varist kynsjúkdómum. En Covid-19 er allt önnur saga. Get ég stundað kynlíf með ókunnugum og forðast hættu á að smitast af kórónuveirunni?“ Skrifaði einstaklingur sem á ekki fastan bólfélaga og leitaði ráða hjá Pamelu Stephenson Connolly, ráðgjafa The Guardian. 

Ráðgjafinn er ekki viss um að kórónuveiran komist í gegnum latex en tekur fram að áskorunin felist í að halda réttri fjarlægð. 

„Það er ekki nokkur leið til þess að komast nógu nálægt ókunnugum til þess að stunda kynlíf án þess að vera í hlífðarheilgalla og kynlíf í slíkum aðstæðum er afar takmarkað. Erótískt símtal eða netsamtal er öruggasta leiðin. Þá getur þú endurskapað hvaða fantasíu sem þér dettur í hug. Hugsaðu um þessa krefjandi tíma sem tækifæri til þess að hugsa út fyrir rammann kynferðislega með því að nota mismunandi miðla. Hafðu öryggið að leiðarljósi.“

Tveggja metra reglan gildir líka um fólk sem ætlar sér að stunda kynlíf saman. mbl.is/Thinkstockphotos

• Blogga um frétt