Tónlistarkonan Selena Gomez segist stundum hræðast að hún verði ein að eilífu. Gomez gaf nýlega út sína þriðju sólóplötu sem ber titilinn Rare.
Gomez ræddi textana við lög sín í myndbandi hjá Apple Music þar sem hún talaði um að sig hefði skort sjálfstraust í langan tíma. Í lok myndbandsins ræddi hún um að stundum hræddist hún þá tilhugsun að hún yrði ein að eilífu.
„Suma daga vakna ég pirruð og hugsa: ég verð ein að eilífu, en eftir 15 mínútur hverfur sú tilfinning og ég segi sjálfri mér að ég viti að það sé einhver þarna fyrir alla,“ sagði Gomez.
Gomez var um árabil í sambandi með tónlistarmanninum Justin Bieber og hættu þau og byrjuðu saman reglulega yfir árin. Hann er nú í hjónabandi með Hailey Baldwin. Gomez hefur einnig verið í sambandi með tónlistarmanninum The Weeknd.